ვიკა ფილფანი სალომე ზურაბიშვილმა მოახდინა არჩევნების დისკრედიტაცია და ყველა ის პარტია, რომელიც ადგილობრივ არჩევნებში მონაწილეობდა კარგია, რომ ახლა ხვდ...
„სალომე ზურაბიშვილი არის ადამიანი, რომელმაც 2025 წელს მოახდინა არჩევნების დისკრედიტაცია და ყველა ის პოლიტიკური პარტია, რომელიც ადგილობრივი თვითმმართველობის არჩევნებში მონაწილეობდა. ძალიან კარგია, რომ ახლა ხვდება თავის შეცდომას, მაგრამ პასუხისმგებლობას ვერ ერიდება“, - განაცხადა ჟურნალისტებთან საუბრისას პარტია „საქართველოს“ დეპუტატმა ვიკა ფილფანიმ. მისი თქმით, არჩევნებს საქართველოში ალტერნატივა არ აქვს და ამის გაგებას „მაგიარიზმი“ არ სჭირდება. ფილფანიმ აღნიშნა, რომ არჩევნების გზით ხელისუფლების შეცვლა მოთმინებას, შრომას და კონსტრუქციულობას მოითხოვს და ბოიკოტი ვერც ერთ პოლიტიკურ პროცესს ვერ უშველის. „უნგრეთი არის კარგი მაგალითი უნგრეთისთვის, რომ არჩევნებს ალტერნატივა არ აქვს, მაგრამ ჩვენს გუნდს ამის გასაგებად არასდროს სჭირდებოდა უნგრეთის ან სხვა ქვეყნის მაგალითი, ჩვენ ყოველთვის ვამბობდით, რომ არჩევნებს ამ ქვეყანაში ალტერნატივა არ აქვს. 2025 წლის ადგილობრივი თვითმმართველობის არჩევნების დროს არჩევნების წინააღმდეგ კამპანიას აწარმოებდნენ სწორედ ის ადამიანები, რომლებიც დღეს ამბობენ, რომ არჩევნების გზით შესაძლებელია თუნდაც ავტორიტარული რეჟიმის შეცვლა. მათ შორის იყო სალომე ზურაბიშვილი, რომელმაც გუშინ განაცხადა, რომ ხელისუფლების შეცვლის ერთადერთი გზა არჩევნებია. სალომე ზურაბიშვილი იყო ერთ-ერთი მათგანი, ვინც არჩევნების დისკრედიტაციას და დემოკრატიული ცვლილებების იარაღად დააკნინა. 30 წლის განმავლობაში ამ ქვეყანაში ხალხი მუშაობდა იმისთვის, რომ არჩევნები პოლიტიკური ცხოვრების ჭეშმარიტად მნიშვნელოვანი ნაწილი ყოფილიყო და მილიონები დაიხარჯა მოქალაქეებისთვის იმის ასახსნელად, თუ რამდენად მნიშვნელოვანია არჩევნებში მონაწილეობა. ეს 30-წლიანი ძალისხმევა ძირს უთხრეს 2025 წელს, არჩევნების წინ, ამ ალიანსებმა და პარტიებმა, რომლებმაც თავიანთ ამომრჩევლებს და საქართველოს მოსახლეობას უთხრეს, რომ არჩევნებს არანაირი ღირებულება არ აქვს, რაც სამწუხაროა. ჩვენ ყოველთვის ვამბობდით, რომ არჩევნებს ამ ქვეყანაში ალტერნატივა არ აქვს. ამას არ სჭირდება „მაგიარობა“. უმჯობესი იქნება, შეწყვიტონ კონკურენცია იმაზე, თუ ვინ არის „უკეთესი მაგარი“ და სანაცვლოდ აიღონ პასუხისმგებლობა არჩევნების დისკრედიტაციაზე და გამოასწორონ ის დანაშაული, რაც ჩაიდინეს ქართველი ხალხის წინაშე, თუნდაც ბოდიშის მოხდით. ხელისუფლების არჩევნების გზით შეცვლა მოთმინებას, შრომას და კონსტრუქციულობას მოითხოვს. ბოიკოტი ვერაფერს უშველის და ვერც პოლიტიკურ პროცესს. ამიტომ, ძალაუფლება არ შეიძლება სწრაფად შეიცვალოს ნაჩქარევი გეგმების, ფიქსირებული თარიღების ან რევოლუციური სცენარების მეშვეობით. არჩევნები ერთადერთი გზაა და ეს უკვე ბევრმა მათგანმა გააცნობიერა, მათ შორის სალომე ზურაბიშვილმაც. სალომე ზურაბიშვილი არის ადამიანი, რომელმაც 2025 წლის არჩევნებამდე მოახდინა არჩევნების დისკრედიტაცია და ყველა ის პოლიტიკური პარტია, რომელიც ადგილობრივი თვითმმართველობის არჩევნებში მონაწილეობდა. მისი თქმით, ის არ მიიღებს მონაწილეობას არჩევნებში და სანაცვლოდ დაესწრება 4 ოქტომბრის აქციას. მან არაფერი გააკეთა იმისათვის, რომ ამ ქვეყანაში არჩევნები, როგორც დემოკრატიული მექანიზმი შენარჩუნებულიყო; პირიქით, ეწინააღმდეგებოდა. ძალიან კარგია, რომ ახლა ხვდება თავის შეცდომას, მაგრამ პასუხისმგებლობას ვერ ერიდება“, - განაცხადა ფილფანიმ. ცნობისთვის, საქართველოს მეხუთე პრეზიდენტმა, სალომე ზურაბიშვილმა განაცხადა, რომ მას სჯერა არჩევნების და სურს, რომ „ქართულმა ოცნებამ“ არჩევნების გზით დატოვოს ხელისუფლება. მისი თქმით, არჩევნების გზით ხელისუფლების შეცვლა საქართველოს დააბრუნებს „თავის რელსებზე“. „მე მჯერა არჩევნების! ეს არის სტაბილური და მშვიდობიანი გზა ქვეყნისთვის“, – განაცხადა ზურაბიშვილმა სოციალურ ქსელში გამოქვეყნებულ ვიდეომიმართვაში.
• მიხეილ ყაველაშვილის შეხვედრა გაეროს აკრედიტებულ ელჩებთან • არჩილ გორდულაძე: ოპოზიცია არ იხილავს არც „ნეპალის შემოდგომას“, არც „უნგრეთის გაზაფხულს“ და არც სხვა ქვეყნის ზაფხულს და ზამთარს - ისინი პოლიტიკურად გაბათილებულები არიან, არ უსმენენ ხალხს და უსმენენ თავიანთ პატრონებს. • საზღვარგარეთ მიღებული განათლების აღიარების ფუნქცია ზოგადსაგანმანათლებლო დაწესებულებებს გადაეცა • სოციალური სამართლიანობის ცენტრი: საქართველოში პატიმართა კვება სერიოზულ კითხვებს აჩენს • შალვა პაპუაშვილი: მნიშვნელოვანია იმის ჩვენება, რომ ბრიუსელის მიერ არჩეული გზა საქართველოსა და კანდიდატი ქვეყნებისკენ არის მთლიანად მოწყვეტილი ევროპულ ღირებულებებს • შალვა პაპუაშვილი არაბეთის გაერთიანებული საემიროების პარლამენტის თავმჯდომარეს შეხვდა •