პაპუაშვილი მნიშვნელოვანია იმის ჩვენება, რომ ბრიუსელის მიერ საქართველოსკენ არჩეული გზა არ შეესაბამება ევროპულ ღირებულებებს
როგორც საქართველოს პარლამენტის თავმჯდომარემ შალვა პაპუაშვილმა განაცხადა, თურქეთში, საპარლამენტთაშორისო კავშირის (IPU) 152-ე ასამბლეაზე სიტყვით გამოსვლისას, საგარეო ჩარევის საფრთხეების მიმართ ერთიანი მიდგომის აუცილებლობაზე ისაუბრებს. მისი თქმით, ევროკავშირის წევრი ქვეყნების წარმომადგენლებთან გაიმართება დისკუსია საქართველოსა და ევროკავშირს შორის ურთიერთობებზე, ასევე არსებულ, მისი შეფასებით, არასახარბიელო ვითარებაზე. „დღეს არის ასამბლეის მთავარი დღე, როდესაც ჩვენ გვექნება შესაძლებლობა გავმართოთ შეხვედრები ორმხრივ ფორმატში, მათ შორის შეხვედრა ლუქსემბურგის პარლამენტის თავმჯდომარესთან და რეგიონული პარლამენტების თავმჯდომარეებთან. იქნება შესაძლებლობა, ასამბლეას მივმართოთ სიტყვით. კონფერენციაზე ჩვენი მთავარი გზავნილია ახალი საფრთხეები, რომლებიც აშკარად ჩანს ყველა ქვეყანაში. ერთიანი მიდგომა ისე, რომ ერთიანი პასუხი მიეცეს გარე ჩარევის ჰიბრიდულ საფრთხეებს. იქნება დისკუსია ევროკავშირის წევრი ქვეყნების წარმომადგენლებთან საქართველოსა და ევროკავშირს შორის ურთიერთობებზე, იმ არასახარბიელო ვითარებაზე, რასაც ბრიუსელიდან ვაკვირდებით. სამწუხაროდ, დიალოგის რეჟიმი იხურება და ძლიერდება ცალმხრივი დირექტივების მიდგომა, რაც ბრიუსელში სულ უფრო ძლიერდება. ამიტომ, მნიშვნელოვანია, ჩვენი ხმა მივიტანოთ ევროკავშირის წევრი ქვეყნების პარლამენტებს და ვაჩვენოთ, რომ გზა, რომელიც დღეს ბრიუსელმა აირჩია საქართველოსთან და კანდიდატ ქვეყნებთან მიმართებაში, სრულიად ეწინააღმდეგება ევროპულ ღირებულებებს. მნიშვნელოვანია, რომ ევროპარლამენტმაც აჩვენოს თავისი პოზიცია ამ მიმართულებით“, - განაცხადა შალვა პაპუაშვილმა.
• შალვა პაპუაშვილი: მნიშვნელოვანია იმის ჩვენება, რომ ბრიუსელის მიერ არჩეული გზა საქართველოსა და კანდიდატი ქვეყნებისკენ არის მთლიანად მოწყვეტილი ევროპულ ღირებულებებს • განხორციელდება დიღმის მინდვრის პარკის განვითარების პროექტი და მოხდება ხარჯთაღრიცხვის კორექტირება; დამატებით, პარკი მიიღებს სხვა დამაკავშირებელ ბილიკს, ფრინველებზე დაკვირვების პლატფორმებს, ველოსიპედის პარკინგის, დაჩრდილულ ადგილებს და პავილიონებს. • მაკა ბოჭორიშვილი – თამამად შეგვიძლია ვთქვათ, რომ არც ერთი საგრანტო პროექტი, რომელიც საქართველოს ეროვნული ინტერესების საწინააღმდეგო არ იქნებოდა, უარყოფილი არ ყოფილა. • ირაკლი კობახიძე ევროპის საბჭოს ადამიანის უფლებათა კომისარებს შეხვდა • საქართველოს პარლამენტი საგრანტო კანონში ცვლილებებს იღებს • საზღვარგარეთ მიღებული ზოგადი განათლების აღიარება აღარ იქნება განათლების ხარისხის განვითარების ეროვნული ცენტრის კომპეტენციაში - ეს ფუნქცია სრულად გადაეცემა ზოგადსაგანმანათლებლო დაწესებულებებს. •