ლევან ხაბეიშვილი სგგდ ს წარმომადგენელს ფიცით იტყუებით! ჩემს წინ კრიმინალი დგას! არ გრცხვენია? შეხედე ჩემს შვილებს თვალებში!
ფიცის ქვეშ იტყუები! ჩემს წინ კრიმინალი დგას! არ გრცხვენია? შეხედე ჩემს შვილებს თვალებში! - ასე მიმართა ბრალდებულმა პოლიტიკოსმა, ლევან ხაბეიშვილმა სასამართლო სხდომაზე განსაკუთრებულ დავალებათა დეპარტამენტის ერთ-ერთი დეპარტამენტის უფროსს, შოთა პაპუაშვილს. შოთა პაპუაშვილი ბრალდების მხარის მოწმეა. როგორც მან განაცხადა, ტელევიზიითა და სოციალური ქსელებით გაიგო, რომ ლევან ხაბეიშვილი სახელმწიფო უსაფრთხოების სამსახურის თანამშრომლებს მოუწოდებდა აქციაზე არ გამოიყენონ სპეციალური საშუალებები, არ შეასრულონ დაკისრებული ვალდებულებები და სანაცვლოდ ფულს სთავაზობდნენ. მისი თქმით, ფულის შეთავაზების მიზანი, სავარაუდოდ, სპეცდანიშნულების დეპარტამენტის თანამშრომლების მოგება იყო. „პოლიტიკოსმა ლევან ხაბეიშვილმა სოციალური ქსელებითა და სხვადასხვა ტელევიზიით მოუწოდა სპეცდანიშნულების დეპარტამენტის თანამშრომლებს, არ შეასრულონ დაკისრებული მოვალეობები, უარი თქვან სპეციალური საშუალებების გამოყენებაზე ან მონაწილეობაზე სწავლებასა და წვრთნებში. მან ჩვენს თანამშრომლებს ინფორმაციის მიწოდებისკენ მოუწოდა, სანაცვლოდ კი სახელმწიფო უსაფრთხოების სამსახურის თანამშრომლებს 200 000 დოლარი შესთავაზა. ხაბეიშვილმა მიმართა სპეცდანიშნულების დეპარტამენტის თანამშრომლებს და არა კონკრეტულად ვინმეს, ანუ მიმართვა ყველას ეხებოდა. ჩემი აზრით, ლევან ხაბეიშვილის მიმართვის, ანუ ფულის შეთავაზების ერთ-ერთი მიზეზი იყო სპეცდანიშნულების დეპარტამენტის თანამშრომლების მოგება, პირდაპირ რომ ვთქვათ... სახელმწიფო უსაფრთხოების სამსახურში ვიყავი დაკითხვაზე ფულის შეთავაზებასთან დაკავშირებით“, - განაცხადა შოთა პაპუაშვილმა. ამის შემდეგ მას ლევან ხაბეიშვილმა მიმართა. „როგორ შეიძლება ფიცის ქვეშ მოტყუება? ჩემს წინ კრიმინალი დგას! არ გრცხვენიათ“, - განაცხადა ხაბეიშვილმა. მოსამართლე ირაკლი ხუსკივაძემ ბრალდებულებს თავშეკავებისკენ მოუწოდა. „მაქსიმალურად შეიკავეთ თავი. რა თქმა უნდა, ემოცია არის, მაგრამ მიზეზს ნუ მომცემთ, რომ სასამართლო დარბაზი დატოვოთ. ამის სურვილი არ მაქვს“, - მიმართა მოსამართლემ. „არ ვაყენებ შეურაცხყოფას, ბოდიში, გავბრაზდი“, - განაცხადა ხაბეიშვილმა. ამის შემდეგ ხაბეიშვილმა განსაკუთრებულ დავალებათა დეპარტამენტის თანამშრომელს ჰკითხა, მონაწილეობდა თუ არა „მის წინააღმდეგ ჩადენილ დანაშაულში“. „არა. მე არ ვარ ის ტიპი, რომელიც ხალხს ვცემ“, - უპასუხა მან. „საზოგადოებამ განსაჯოს“, - უპასუხა ლევან ხაბეიშვილმა. ამის შემდეგ ხაბეიშვილმა და მისმა ადვოკატმა შოთა პაპუაშვილს ჰკითხეს, თუ რატომ არ დაუკავშირდა შესაბამის უწყებებს, თუ გაიგო, რომ ხაბეიშვილი ქრთამს სთავაზობდა განსაკუთრებულ დავალებათა დეპარტამენტის თანამშრომლებს. „შესაბამისმა სამსახურმა რეაგირება მოახდინა“, - განაცხადა შოთა პაპუაშვილმა.
• საზღვარგარეთ მიღებული განათლების აღიარების ფუნქცია ზოგადსაგანმანათლებლო დაწესებულებებს გადაეცა • აჭარის კულტურის სამინისტრო: მანქანები, ერთგული ხელოვანები, ვახშმები და პიარი იმედზე • არაბები საქართველოში „ანტიინვესტიციური კამპანიით“ უკმაყოფილონი არიან - მედია • ირაკლი კობახიძე - ევროკავშირს ჰქონდა ძლიერი იდენტობა, კეთილდღეობის ძლიერი მაჩვენებლები, ძლიერი დემოკრატია და კანონის უზენაესობა, თუმცა ამჟამად სამივე სფეროში სერიოზული გამოწვევების წინაშე დგას, რაც ძალიან გვაღელვებს. • ალუდა ღუდუშაური - ზახაროვას ან ჩრდილოელი ოკუპანტის წარმომადგენლის არც ერთი განცხადება არ შესრულდება - შეიძლება ცოტანი ვართ, მაგრამ ქართველები და ღირსებით აღსავსე ერი ვართ, პრაგმატულად ვმოქმედებთ! • კობახიძე: ჩვენს ირგვლივ მიმდინარე მოვლენების ფონზე, სამხრეთ კავკასიის რეგიონი სულ უფრო მნიშვნელოვანი ხდება •