4 ოქტომბრის საქმეზე ბრალდებული ალექსანდრე გოგოლაძე პროკურორ თამარ ბეჟუაშვილის აცილებას ითხოვს და მიზეზად მისი სქესი ასახელებს.
4 ოქტომბერს ათონელის სასახლესთან განვითარებულ მოვლენებთან დაკავშირებით ერთ-ერთმა ბრალდებულმა ალექსანდრე გოგოლაძემ საქმის პროკურორის თამარ ბეჟუაშვილის აცილება მოითხოვა. მოთხოვნა მოსამართლე გიორგი გელაშვილმა არ დააკმაყოფილა. ბრალდებულმა აცილების მოთხოვნის მიზეზად პროკურორის სქესი დაასახელა. "არ მინდა, ქალი იყოს ჩემი პროკურორი - თუ შეიძლება, არ მინდა ქალი. ბოდიშს გიხდით [პროკურორს] აქ. შვილებს და შვილიშვილებს სიკეთე უნდა ასწავლოთ, ბევრ რამეზე ვოცნებობ. უკეთესი იქნებოდა, შვილო, პროკურორი რომ არ იყოთ, მით უმეტეს, ასეთ შემთხვევაში", - განაცხადა გოგოლაძემ. მოსამართლემ მას განუმარტა, რომ პროკურორის ან, ზოგადად, პროცესის მხარის აცილების საფუძველი კანონით მკაფიოდ არის განსაზღვრული. „დისკრიმინაციად ჩაითვლება იმის მტკიცება, რომ კონკრეტული პირის ან სახელმწიფოს ინტერესები უნდა იყოს წარმოდგენილი ქალის ან მამაკაცის მიერ“, - განაცხადა მოსამართლე გიორგი გელაშვილმა. ამის შემდეგ კიდევ ერთმა ბრალდებულმა, კონსტანტინე კოკაიამ განაცხადა, რომ მათ სურთ, რომ სხდომას დაესწრონ სატელევიზიო ჯგუფები, რათა ხალხმა დაინახოს „რა ცუდი ხალხია“. პასუხად მოსამართლემ უთხრა, რომ თუ საქმის გადაღება სურთ, ადვოკატებმა იუსტიციის უმაღლეს საბჭოს უნდა მიმართონ. ცნობისთვის, 4 ოქტომბრის მოვლენებთან დაკავშირებით, დაკავებული არიან: გოჩა ქათაშვილი, სულხან აბრალავა, კონსტანტინე კოკაია, დავით ჟღენტი, კახაბერ მჟავანაძე, ალექსანდრე გოგოლაძე, დავით სტურუა, ევა შაშიაშვილი, ზაქრო ალბუტაშვილი, გენაზ ქენადი. ჯორბენაძე, ჯანდრი თირქია, გიორგი ჩახუნაშვილი და ია დარახველიძე. მათ ბრალი სსკ-ის 19-222-ე მუხლის მე-2 ნაწილის „ა“ ქვეპუნქტით ედებათ, რაც ჯგუფის მიერ ჩადენილი სტრატეგიული და განსაკუთრებით მნიშვნელოვანი ობიექტების დაყადაღებისა და ბლოკირების მცდელობას ეხება. მათ ბრალი სისხლის სამართლის კოდექსის 225-ე მუხლის მე-2 ნაწილითაც წაუყენეს, რაც ჯგუფურ ძალადობაში მონაწილეობას გულისხმობს. ია დარახველიძე, გიორგი ჩახუნაშვილი და ევა შაშიაშვილი გირაოს სანაცვლოდ თავისუფლები არიან.
• გიორგი თუმასიანი: პიტერ მაგარმა დაიწყო ძალიან პოზიტიურად და აქტიურად - მისი განცხადებები ადასტურებს, რომ როდესაც ოპოზიცია ხელისუფლებაში მოდის, სახელმწიფოზე ორიენტირებული ფიქრობს • შალვა პაპუაშვილი: ბრიუსელი გახდა ბარიერი საქართველოსა და ევროკავშირის წევრ ქვეყნებს შორის • აბასთუმნის საჰაერო სივრცე ფრენებისთვის 16 აპრილიდან დაიკეტება • თბილისში, უცხოელის გაუპატიურების ბრალდებით მამაკაცი დააკავეს • საქართველო ახლო აღმოსავლეთში არსებული კონფლიქტის მიუხედავად საერთაშორისო ვიზიტების ზრდას აფიქსირებს • Starbucks საქართველოში პირველ მაღაზიას 2026 წლის ზაფხულში გახსნის •