ერიკ ტრამპი Trump Tower Tbilisi დაადგენს კომპანიის უმაღლეს სტანდარტებს საქართველოში
Trump Organization-მა ახალი პროექტის, Trump Tower Tbilisi-ის შესახებ ოფიციალური განცხადება გაავრცელა, სადაც ნათქვამია, რომ მსოფლიოში უმსხვილესი არქიტექტურული ფირმის Gensler-ის მიერ დაპროექტებული შენობა იქნება დაახლოებით 70 სართულის სიმაღლე და იქნება ყველაზე მაღალი შენობა საქართველოში. როგორც განცხადებაშია აღნიშნული, პროექტში მონაწილეობას მიიღებენ ასევე ქართული კომპანიები Archi Group, Biograpi Living და Blox Group. „ცენტრალური პარკის თვალწარმტაცი ხედებითა და პრესტიჟული მდებარეობით, Trump Tower Tbilisi იქნება შერეული დანიშნულების განვითარების ცენტრი, რომელიც გააერთიანებს მდიდრულ რეზიდენციებს, პრემიუმ საცალო სივრცეს, მსოფლიო დონის რესტორნებს და მაღალი დონის ცხოვრების სტილის სერვისებს“, - ნათქვამია ოფიციალურ განცხადებაში. პროექტზე საუბრისას აშშ-ს პრეზიდენტის დონალდ ტრამპის ვაჟმა და კომპანიის აღმასრულებელმა ვიცე-პრეზიდენტმა ერიკ ტრამპმა აღნიშნა, რომ თბილისში პროექტი საქართველოში „მსოფლიოში აღიარებულ უმაღლეს სტანდარტებს“ დაადგენს. მან თქვა, რომ მოხარულია ამ პროექტზე თანამშრომლობით ცნობილ და პროფესიონალ დეველოპერებთან. განცხადებაში ასევე მოცემულია ქართული კომპანიების კომენტარები, რომლებიც პროექტის პარტნიორები არიან. როგორც Archi Group-ის თანადამფუძნებელი და სამეთვალყურეო საბჭოს თავმჯდომარე ილია წულაია აღნიშნავს, Trump Tower Tbilisi-ის პროექტი შეცვლის ქალაქის იერსახეს და კიდევ უფრო გააძლიერებს საქართველოს გლობალურ როლს. Biograpi Living-ის აღმასრულებელი დირექტორის ვასილ ფხაკაძის თქმით: „Trump Tower Tbilisi-ის მსგავსი პროექტებით ჩვენ ქალაქს ახალ მასშტაბს, ხარისხს და გლობალურ მნიშვნელობას ვანიჭებთ“. Blox Group-ის თანადამფუძნებელი ლაშა კვაჭაძე ამბობს, რომ Trump Tower Tbilisi არის საერთაშორისო ნდობის გამოხატულება და მნიშვნელოვანი ეტაპი საქართველოს ეკონომიკურ განვითარებაში. გარდა ამისა, Finvest Georgia-ს თანადამფუძნებლის, ლაშა მელაძის თქმით, „საქართველოსთვის Trump Tower Tbilisi არის მნიშვნელოვანი ეტაპი გლობალური საინვესტიციო რუკაზე“. ეს პროექტი ასევე არის The Sapir Organization-ის პირველი საერთაშორისო კომერციული პროექტი. პრეზიდენტისა და აღმასრულებელი დირექტორის ალექს საპირის ხელმძღვანელობით, ფირმა მართავს 7 მილიარდ დოლარზე მეტი აქტივები. "საქართველოში პირველად დაბრუნება ხუთი წლის შემდეგ ჩემთვის ემოციური მოვლენა იყო. ვამაყობ, რომ ვაშენებთ მეორე კორპუსს ქვეყანაში, სადაც ჩემი მშობლები დაიბადნენ და გაიზარდნენ", - განაცხადა ალექს საპირმა. განცხადებაში ასევე აღნიშნულია, რომ დამატებითი დეტალები პროექტის არქიტექტურის, დიზაინისა და გაყიდვების შესახებ უახლოეს თვეებში გახდება ცნობილი.
• თბილისში ტრამპ თაუერი აშენდება • ირაკლი კობახიძე - გერმანია ყოველთვის გამოირჩეოდა პრინციპების განსაკუთრებული პატივისცემით, დღეს ამას ვეღარ ვხედავთ • ლაშა შავდათუაშვილი ევროპის ჩემპიონი გახდა • საქართველოს საფეხბურთო ნაკრები ივნისში ბაჰრეინს დაუპირისპირდება • ოპოზიციამ საქართველოში ფასების შემცირების ხედვა წარმოადგინა • პაპუაშვილი: ბრიუსელი დაბრკოლებად იქცა •