2025 წელს საქართველოში პირდაპირი უცხოური ინვესტიციების მოცულობა 7.6 ით გაიზარდა.
საქართველოს სტატისტიკის ეროვნული სამსახურის წინასწარი მონაცემებით, 2025 წელს საქართველოში განხორციელებული პირდაპირი უცხოური ინვესტიციების მოცულობამ 1 688,7 მილიონი დოლარი შეადგინა, რაც 7,6%-ით მეტია 2024 წლის დაზუსტებულ მაჩვენებელზე. სტატისტიკის სამსახურის ინფორმაციით, ზრდა განპირობებულია პირდაპირი უცხოური ინვესტიციების ორი კომპონენტის: საწესდებო კაპიტალისა და რეინვესტირების ზრდით. 2025 წლის წინასწარი მონაცემებით, საწესდებო კაპიტალმა შეადგინა 601,8 მლნ აშშ დოლარი, რაც 15,3%-ით მეტია წინა წლის დაზუსტებულ მაჩვენებელზე, ხოლო რეინვესტიციები გაიზარდა 3,8%-ით და 1 397,8 მლნ აშშ დოლარი შეადგინა. გარდა ამისა, დეპარტამენტის წინასწარი მონაცემებით, 2025 წელს სამმა უმსხვილესმა ინვესტორმა ქვეყანამ უზრუნველყო მთელი პირდაპირი უცხოური ინვესტიციის 40.8%. პირველ ადგილზეა დიდი ბრიტანეთი 19,8%-ით, მეორეზე თურქეთი 10,7%-ით, ხოლო მესამეზე მალტა 10,3%-ით. რაც შეეხება ეკონომიკის ძირითად სექტორებს, პირდაპირი უცხოური ინვესტიციების კუთხით, 2025 წელს სამმა უმსხვილესმა სექტორმა ინვესტიციების 56.8% უზრუნველყო. პირდაპირი უცხოური ინვესტიციების ყველაზე დიდი მოცულობა საფინანსო და სადაზღვევო სექტორზე იყო მიმართული - 607.0 მლნ აშშ დოლარი, რაც მთლიანი პირდაპირი უცხოური ინვესტიციების 35.9%-ია. მეორე ადგილზეა უძრავი ქონების სექტორი 185.7 მლნ აშშ დოლარით (11.0%), მესამეზეა ტრანსპორტის სექტორი 166.1 მლნ აშშ დოლარით (9.8%).
• საქართველოში აზერბაიჯანისა და სომხეთის მიმართულებით გზების მშენებლობაზე ტენდერი გაუქმდა • ხუხაშვილმა კომენტარი სახელმწიფო უსაფრთხოების სამსახურში დაკითხვის შემდეგ გააკეთა • საქართველოში ათობით უკანონო ცეცხლსასროლი იარაღი, საბრძოლო მასალა და ასაფეთქებელი ნივთიერება ამოიღეს • ქუთაისის აეროპორტში არადეკლარირებული ოქროს სამკაულის შემოტანის ორი შემთხვევა გამოვლინდა • მთავრობის ადმინისტრაცია - ისრაელის ელჩთან შეხვედრაზე პრემიერ-მინისტრმა შეშფოთება გამოთქვა ახლო აღმოსავლეთში განვითარებული მოვლენების გამო და მიუსამძიმრა ისრაელს დაღუპვის გამო. • ქართული ოცნების დეპუტატმა ევროპარლამენტის რეზოლუციები გააკრიტიკა •