ჯო უილსონმა ქართულმა ოცნებამ საქართველოს ინფრასტრუქტურა ჩინეთის კომუნისტურ პარტიას გადასცა
„ქართულმა ოცნებამ“ საქართველოს ინფრასტრუქტურა ჩინეთის კომუნისტურ პარტიას გადასცა და ქვეყანა ვალების მონობაში მიყიდა, განაცხადა ამერიკელმა კონგრესმენმა ჯო უილსონმა, ჰელსინკის კომისიის თანათავმჯდომარემ კომისიის მოსმენაზე „ევროპაში ჩინეთის შეღწევასა და იძულებაზე რეაგირება“. მისი თქმით, თითოეული დიქტატურის მიერ გამოყენებული ტაქტიკა სულ უფრო მსგავსი და დახვეწილი ხდება და „შემაშფოთებლად ხელს უწყობს ტექნოლოგიასა და ინოვაციას“. „ეს სახელმძღვანელო სრულად არის ასახული საქართველოს რესპუბლიკაში. ბიძინა ივანიშვილისა და მისი ქართული ოცნების დიქტატურამ დააპატიმრა თითქმის ყველა ოპოზიციური ლიდერი, იგნორირება გაუკეთა ქართველ ხალხს, ვისაც თავისუფლება და კეთილდღეობა სურს და არა ჩინეთის „ვალების ხაფანგის დიპლომატია“ და რუსული ოლიგარქია“, - აღნიშნა კონგრესმენმა. მისი თქმით, რუსეთი დიდი ხანია იყო ბიძინა ივანიშვილის ოპერაციების ბაზა და სიმდიდრის წყარო და მას შემდეგ, რაც „ქართულმა ოცნებამ“ „ხელისუფლება 2024 წელს გაყალბებული არჩევნების გზით აიღო, ჩინეთია, რომელიც უზრუნველყოფს მათ სათვალთვალო ტექნოლოგიით, პროპაგანდისტული არხებით და ფინანსური მხარდაჭერით, რომელიც საჭიროა პროამერიკელი ქართველი ხალხის ნების დასათრგუნად“. უილსონმა ხაზი გაუსვა შეერთებული შტატებისთვის საშუალო გზის მნიშვნელობას და განაცხადა, რომ ქართულმა ოცნებამ ჩინეთს ინფრასტრუქტურა გადასცა. „პრეზიდენტმა დონალდ ტრამპმა სწორად მიიჩნია პრიორიტეტი ცენტრალური აზიის, შუა დერეფნის, ჩვენი მიწოდების ჯაჭვების უზრუნველსაყოფად და დივერსიფიკაციისთვის. ქართულმა ოცნებამ არსებითად მიჰყიდა საქართველოს ინფრასტრუქტურა ჩინეთის კომუნისტურ პარტიას და ქვეყანა გაყიდა ვალების მონობაში. ამერიკის შემოსვლას შუა დერეფანში არსებითად ჩინეთის კომუნისტური პარტია აკონტროლებს“, - აღნიშნა უილსონმა.
• თბილისის აეროპორტში მგზავრი, რომელსაც ხელბარგში 9 ლიტრი კეტამინი ჰქონდა, დააკავეს • კახაბერ კვაჭანტირაძე: ჩემთვის, როგორც რიგითი ქართველისთვის, პატივია პოლიტიკურ საქმეში ბრალდებული - მივესალმები პოლიტიკური სუბიექტების გაერთიანებას; ფსევდოოპოზიციად მიჩნეულებს ვაძლევ: თქვენ ლუსტრირებულები ხართ, ბატონებო! • უზენაესმა სასამართლომ მზია ამაღლობელის საჩივარი განსახილველად არ მიიღო • როგორ ხდება ქართული მეღვინეობის სუბსიდირება და რატომ იზრდება ღვინის ექსპორტი რუსეთში? • მასკატიდან დღეს საქართველოს მოქალაქეებისთვის სპეციალური რეისი გაფრინდება. • ნიკოლ ფაშინიანი საქართველოში ჩამოვიდა •