კალაძე მარკო რუბიოს ძალიან მნიშვნელოვანი გზავნილი, ჩვენ მზად ვართ ურთიერთობების აღსადგენად და სწორედ ამას ველით
„ახალი ადმინისტრაციისა და ახალი პრეზიდენტის პირობებში, საქართველოს მთავრობა მზად არის სუფთა ფურცლით დაიწყოს ურთიერთობა შეერთებულ შტატებთან“, - განაცხადა თბილისის მერმა კახა კალაძემ. კალაძემ კომენტარი გააკეთა მარკო რუბიოსა და საქართველოს პრეზიდენტ მიხეილ ყაველაშვილის საუბრის შესახებ და აღნიშნა, რომ რუბიოს გზავნილები ძალიან მნიშვნელოვანია. მისი თქმით, საქართველოს მთავრობამ გადადგა ნაბიჯი შეერთებული შტატებისკენ და პრეზიდენტ ტრამპის გამარჯვებისთანავე გამოთქვა მზადყოფნა ურთიერთობების გადატვირთვისთვის. „ეს არის ძალიან მნიშვნელოვანი გზავნილი, ჩვენ ამაზე არაერთხელ ვილაპარაკეთ და კიდევ ერთხელ გავიმეორებთ: მზად ვართ ურთიერთობების აღდგენა, სუფთა ფურცლიდან და გადატვირთვა. საქართველოს მთავრობა მზად არის ამისთვის და მიესალმება ამ მიდგომას, როგორც იქნა განხილული. ბუნებრივია, არის მოლოდინები. საქართველოს მთავრობამ გადადგა ნაბიჯი და ჩვენ ვაცხადებთ, რომ ჩვენთვის კატეგორიულად მიუღებელია ის უსამართლო მოპყრობა, რომელიც ბაიდენის ადმინისტრაციას ჰქონდა. ჩვენ ვართ დამოუკიდებელი, სუვერენული სახელმწიფო და ამ ქვეყნის მფლობელი თავად ქართველი ხალხია. ჩვენ პატარა ქვეყანა ვართ, მაგრამ პატივი უნდა ვცეთ ჩვენს წარსულს, კულტურას, ტრადიციებს, სუვერენიტეტს და დამოუკიდებლობას. ამასთან, ჩვენ ვთქვით, რომ ახალი პრეზიდენტისა და ახალი ადმინისტრაციის პირობებში, საქართველოს მთავრობა მზად არის ურთიერთობა სუფთა ფურცლით დაიწყოს. კატეგორიულად მიუღებელი იყო ბაიდენის ადმინისტრაციის დამოკიდებულება - მხოლოდ ტყუილი, უსამართლო მოპყრობა, მოტყუება, თუნდაც სანქციების საკითხზე - ყოველგვარი არგუმენტებისა და ახსნა-განმარტების გარეშე“, - განაცხადა კახა კალაძემ. კალაძემ ასევე აღნიშნა, რომ ურთიერთობების გადატვირთვას შესაძლოა დამატებითი დრო დასჭირდეს. საქართველოს პრეზიდენტმა მიხეილ ყაველაშვილმა განაცხადა, რომ ძალიან თბილი შეხვედრა ჰქონდა აშშ-ის ვიცე-პრეზიდენტ ჯ.დ. ვანსთან და სენატორ მარკო რუბიოსთან, სადაც ხაზი გაუსვა საერთო ღირებულებებს. ყაველაშვილის თქმით, ჯ.დ ვენსმა განაცხადა, რომ მათ აქვთ ინფორმაცია და რომ ურთიერთობების უფრო მჭიდრო განახლება აუცილებლად მოხდება. გარდა ამისა, როგორც პრეზიდენტმა აღნიშნა, მარკო რუბიომ ტექნიკური გუნდის მომზადება დააანონსა, რათა ურთიერთობა სუფთა ფურცლთან დაიწყოს.
• შინაგან საქმეთა მინისტრი ევროპის საბჭოს ადამიანის უფლებათა კომისარს შეხვდა. • „გრანტების შესახებ“ კანონის მოთხოვნები არ გავრცელდება საქართველოს წითელი ჯვრის საზოგადოების მიერ გაცემულ გრანტებზე და ფინანსური და საკრედიტო ინსტიტუტების მიერ გაცემული გრანტებისთვის მთავრობასთან შეთანხმება არ იქნება საჭირო. • ელენე ხოშტარია: გაერთიანებული ევროპის იდეამ თავდაპირველად მოლდოვაში გაიმარჯვა, ახლა კი უნგრეთში - რომ ტენდენციად იქცეს, აქაც უნდა გაიმარჯვოს - ტყუილი საპნის ბუშტებივით ფეთქდება, შეუპოვრობა კი შედეგს იძლევა • გიორგი კაჭარავა: ორბანის ურთიერთობა საქართველოს მთავრობასთან უბრალოდ ვერ გაგრძელდება - ეს ეპოქა დასრულდა, უნგრეთი შეიცვალა და ევროპული ღირებულებების შესაბამისად იმოქმედებს • იოსელიანი: ევროპის საბჭოს ადამიანის უფლებათა კომისართან შეხვედრა საქართველოში ადამიანის უფლებათა მდგომარეობას მიეძღვნა. • განათლების სამინისტრომ დაამტკიცა სკოლის ფორმები 1-6 კლასების მოსწავლეებისთვის. •