ზუგდიდში აქტიურად ვითარდება სპორტული ინფრასტრუქტურა
ზუგდიდის მუნიციპალიტეტში აქტიურად მიმდინარეობს მუშაობა სპორტული ინფრასტრუქტურის განვითარებაზე. მიმდინარე და დასრულებული პროექტების მიმდინარეობა ქალაქის მერმა დავით კოდუამ დაათვალიერა. ბარამიას ქუჩაზე დევნილთა დასახლებაში ახალი სტადიონი შენდება - ეს იყო მერის საარჩევნო დაპირება, რომელიც ახლა სრულდება. „ბარამიას დასახლებაში ბევრი ახალგაზრდა ცხოვრობს და ახალი სპორტული მოედნის მშენებლობა მნიშვნელოვანია როგორც სპორტის განვითარებისთვის, ასევე ჯანსაღი ცხოვრების წესის პოპულარიზაციისთვის“, - განაცხადა დავით კოდუამ. ბარამიას ქუჩაზე ახალი სპორტული მოედნის მშენებლობისთვის ადგილობრივი ბიუჯეტიდან 224 444 ლარი გამოიყო. გარდა ამისა, სპორტული მოედნების რეაბილიტაცია გრძელდება თაბუკაშვილისა და კუძიის ქუჩებზე, ასევე დასრულდა ინგირში. ზუგდიდში სულ 7 სპორტული მოედნის რეკონსტრუქცია მიმდინარეობს, რისთვისაც დაახლოებით 1 მილიონი ლარია გამოყოფილი. სამუშაოები მერთან ერთად მისმა მოადგილემ ბესიკ ჩეჟიამ და საკრებულოში ფრაქცია „ქართული ოცნება - დემოკრატიული საქართველოს“ თავმჯდომარემ გიორგი კორტავამ დაათვალიერეს. დავით კოდუას თქმით, მსგავსი პროექტების განხორციელება მომავალშიც გაგრძელდება.
• მარტვილის მუნიციპალიტეტში ცოფის შემთხვევები დაფიქსირდა • მიხეილ სააკაშვილი - ივანიშვილმა და ოცნებამ დაკარგეს მამა, ვიქტორ ორბანის სახით - ვუსამძიმრებ მათ საერთო მფარველ პუტინს და ვულოცავ უნგრელებს, უკრაინელებს და ქართველებს ამ ისტორიულ გამარჯვებას. • საქართველოს პარლამენტი „შრომითი მიგრაციის შესახებ“ კანონში დაგეგმილი ცვლილებების განხილვას იწყებს. • Archi: უძრავი ქონების ფასები საქართველოში 2026 წელს 4-6%-ით გაიზრდება • ლევან მაჭავარიანი: თქვენ ამბობთ, რომ ჩვენ ბატონ ორბანს უარვყოფთ; საიდან მოდის ასეთი იდეები? პირიქით, ჩვენ ვაცხადებთ, რომ ძალიან მადლიერები ვართ ბატონი ორბანის მეგობრობისთვის; ოპტიმისტურად ვართ განწყობილნი, რომ ეს ურთიერთობა გაგრძელდება • 2025 წელს ქვეყანაში შემოსულთა ყველაზე დიდი რაოდენობა რუსეთის მოქალაქეები იყვნენ. •