მიტროპოლიტი ვახტანგი წმინდა სინოდი პატრიარქის კანდიდატის განათლებისა და ასაკის საკითხებზე იმსჯელებს უნდა გადაწყვიტოს ასაკობრივი ზღვარი 70 წელი იქნება ...
ცურტავის მიტროპოლიტ ვახტანგის განცხადებით, წმინდა სინოდის დღევანდელ სხდომაზე პატრიარქობის კანდიდატის განათლებისა და ასაკობრივი მოთხოვნების საკითხი განიხილება. მისი თქმით, წმინდა სინოდმა უნდა გადაწყვიტოს, დარჩება თუ არა პატრიარქობის კანდიდატის მაქსიმალური ასაკი 70 წელი, თუ გახანგრძლივდება კიდევ ორი წლით. „სერიოზული გადაწყვეტილებები მიიღება [სინოდის სხდომაზე], იმ კუთხით, რომ უფრო კონკრეტული ჩარჩო უნდა ჩამოყალიბდეს. ჩვენ უნდა გადავხედოთ მმართველობისა და ადმინისტრაციის დებულებას. განიხილება განათლებისა და ასაკის საკითხები. პროცედურა არის განხილვის საგანი. არის კანონით და დებულებით რეგულირდება საკითხები და არის საკითხები, სადაც გადაწყვეტილებები უნდა იქნას მიღებული კონკრეტული მოსაზრებებიდან გამომდინარე. მათ შორისაა ასაკი - როგორ უნდა განისაზღვროს საპატრიარქო ასაკობრივი ზღვარი. კანდიდატი უნდა იყოს მინიმუმ 40 წლის, ხოლო ამჟამინდელი მაქსიმალური 70 წელია. ადამიანს შეიძლება რამდენიმე დღეში ან თვეში შეუსრულდეს 70 წელი, ამიტომ პრინციპული გადაწყვეტილება უნდა მივიღოთ: დარჩეს 70 წელი თუ გაგრძელდეს ორი წლით. ყველაფერი შესაძლებელია - ეს დამოკიდებულია იმაზე, თუ როგორ გადავწყვეტთ ჩვენ, სინოდის წევრები. მეორე საკითხი არის განათლება. კარგია, როცა ადამიანს აქვს უმაღლესი საერო განათლება, მაგრამ აუცილებელია, რომ საპატრიარქო კანდიდატს ჰქონდეს სასულიერო განათლება - ეს სავალდებულო მოთხოვნაა. შეიძლება ადამიანს ჰარვარდი ჰქონდეს დამთავრებული, მაგრამ სასულიერო განათლება მაინც აუცილებელია. ეს არის რაღაც, რაც უნდა გადაწყდეს. პატრიარქობის კანდიდატს უნდა ჰქონდეს საღვთისმეტყველო განათლება და, ზოგადად, იყოს განათლებული პიროვნება“, - განაცხადა მიტროპოლიტმა ვახტანგმა ტვ პირველთან ინტერვიუში. ცნობისთვის, დღეს, 3 აპრილს, 12:00 საათზე, საქართველოს საპატრიარქოში წმიდა სინოდის სხდომა გაიმართება, რომელსაც საპატრიარქო ტახტის წინამძღვარი, სენაკისა და ჩხოროწყუს მიტროპოლიტი შიო (მუჯირი) მოიწვევს.
• შალვა პაპუაშვილი: მაწანწალა ძაღლებზე უფრო დიდი პრობლემაა ემოციურად დაზიანებული რადიკალური ოპოზიცია - მათი საპნის ბუშტი გასკდა; ჩვენ მათ პოლიტიკურად ვერ დავეხმარებით, მათ სხვა სახის დახმარება სჭირდებათ • სახალხო დამცველი იუწყება ქალთა მიმართ ძალადობის წინააღმდეგ ბრძოლის გამოწვევების შესახებ • საქართველოს ტურიზმიდან შემოსავლების შემცირება ემუქრება • მიტროპოლიტი სტეფანე სინოდის დღევანდელ სხდომაზე: არ ყოფილა ისეთი საკითხები, რომლებზეც ვერ შევთანხმდით - ამ ეტაპზე ყველა საჭიროზე შევთანხმდით • საქართველოში რუსეთის მოქალაქეების ძარცვისა და გატაცების ბრალდებით 7 პირი დააკავეს • ჯაღმაიძე: საპატრიარქო ტახტის კანდიდატისთვის საგანმანათლებლო მოთხოვნები იგივე რჩება •