კობახიძე პატრიარქის არჩევის პროცესში ხელისუფლება არ უნდა ჩაერიოს
პატრიარქის არჩევასთან დაკავშირებული პროცესი აბსოლუტურად დამოუკიდებელი უნდა იყოს, - ამის შესახებ საქართველოს პრემიერ-მინისტრმა ირაკლი კობახიძემ ტელეკომპანია „იმედის“ ეთერში განაცხადა. მისი თქმით, ახალი პატრიარქის არჩევის პროცესი ყველამ უნდა მიანდოს წმინდა სინოდს, რომელიც გადაწყვეტილებას იღებს. კობახიძემ აღნიშნა, რომ ხელისუფლება არ უნდა და არც ჩაერიოს ამ პროცესში, რასაც, მისი თქმით, ოპონენტებზე ვერ ვიტყვით. პრემიერის თქმით, ის ყველას „რიტორიკულად მოუწოდებს“, „რაც შეიძლება შეიკავონ თავი შეიკავონ საქმეში, რომელიც მათ საერთოდ არ ეხება“. „რა თქმა უნდა, ხელისუფლება არ უნდა ჩაერიოს ამ პროცესში [პატრიარქის არჩევის] საქმეში, ეს მთლიანად წმინდა სინოდის და მისი წევრების გადასაწყვეტია. ხედავთ, რომ ხელისუფლება სწორედ ამას აკეთებს, რასაც ვერ ვიტყვით ჩვენს ოპონენტებზე, პოლიტიკურ ოპონენტებზე, მათ შორის მათ ტელევიზიებზე, მათ წარმომადგენლებზე - ე.წ ექსპერტებზე, არასამთავრობო ორგანიზაციებზე, რომლებმაც უკვე წამოიწყეს ანტიკამპანიის ხასიათის კამპანია, რაც, ბუნებრივია, კიდევ ერთხელ ადასტურებს მათ დამოკიდებულებას ეკლესიის მიმართ. თუ ვინმე ცდილობს ამ პროცესში ჩარევას, ეს ჩვენი ოპონენტები არიან. მათ დაიწყეს პირდაპირი ანტიკამპანია პატრიარქის არჩევის პროცესთან დაკავშირებით, რაც, რა თქმა უნდა, აბსოლუტურად არაჯანსაღი მოვლენაა. ყველას უნდა მოვუწოდოთ, რა თქმა უნდა, ეს რიტორიკული მოწოდებაა, მაქსიმალურად თავი შეიკავონ იმ საქმეში ჩარევისგან, რომელიც მათ საერთოდ არ ეხება“, - განაცხადა ირაკლი კობახიძემ. მან ოპონენტები პატრიარქის როლის „დამცირების“ მცდელობაში დაადანაშაულა. „უფრო მეტიც, ამით ისინი პირდაპირ ცდილობენ შეამცირონ პატრიარქის განსაკუთრებული როლი და განსაკუთრებული სიბრძნე. ეს მათი მიზანია. ეს იყო მათი მიზანი წინა წლებში და დღესაც აქტუალურია, სამწუხაროდ. რა თქმა უნდა, პროცესი, რომელიც დაკავშირებულია პატრიარქის არჩევასთან, უნდა იყოს აბსოლუტურად დამოუკიდებელი და, რა თქმა უნდა, ეს ყველამ უნდა მიანდოს წმინდა სინოდს, რომელიც იღებს გადაწყვეტილებას პატრიარქის არჩევის შესახებ“, - განაცხადა ირაკლი კობახიძემ.
• ნორვეგიის ელჩი: ელენა ხოშტარიას სასჯელი არაპროპორციული და გაუმართლებელია • პრესსამსახურმა თამარ ბაგრატიონის გამოსვლას „ადამიანური შეცდომის“ გამო გამოტოვებული ტექსტი შეავსო. • პაატა მანჯგალაძე 4 ოქტომბრის საქმეზე: ჩემს არცერთ განცხადებაში არ ვთვლიდი თავს ორგანიზატორად. რომ მცოდნოდა, თხოვნის მიუხედავად არ წავიდოდი - მე მჯეროდა, რომ ეს ეგრეთ წოდებული „მშვიდობიანი დამხობა“ ერთგვარი მარკეტინგული ხრიკი იყო. • Forbes-ის 100 ყველაზე მდიდარი ქართველის რეიტინგი ბიზნესსა და პოლიტიკას შორის მჭიდრო კავშირს ავლენს. • ლევან ცუცქირიძე აშშ-ის სახელმწიფო დეპარტამენტის წარმომადგენელთან შეხვედრის შესახებ: ვიზებთან დაკავშირებული დამატებითი ტვირთის შესაძლო მოხსნა ან შემსუბუქება მოვითხოვე და ასევე ვისაუბრე პოლიტპატიმრებზე • ჯო უილსონი: თავისუფლების მომხრეებს აწუხებს ანტიამერიკული „ქართული ოცნება“, რომელიც მხარს უჭერს ირანის ტერორისტულ რეჟიმს •