გორდულაძე ოკუპანტთან მხოლოდ ერთ საკითხზე გვექნება ურთიერთობა ტერიტორიული მთლიანობა
ოკუპანტ სახელმწიფოსთან ურთიერთობა გვექნება ექსკლუზიურად ჩვენი ქვეყნის ტერიტორიულ მთლიანობასთან და დე ფაქტო არაღიარებულ ტერიტორიებზე სრული იურისდიქციის გავრცელების საკითხებზე“, - განაცხადა საქართველოს პარლამენტის იურიდიულ საკითხთა კომიტეტის თავმჯდომარემ არჩილ გორდულაძემ რუსეთის საგარეო საქმეთა სამინისტროს ოფიციალური წარმომადგენლის მარია ზახაროვას განცხადებაში. მისი თქმით, საქართველოს ხელისუფლების ინტერესი არის „ტერიტორიების გაერთიანება, ქვეყანაში მშვიდობის უზრუნველყოფა და ეკონომიკური განვითარების გარანტიების შექმნა“. ვთქვათ, „ქართულ ოცნებას“ აქვს გარკვეული კავშირი ოკუპანტი ქვეყნის ხელმძღვანელობასთან. პირველი, რასაც ჩვენ გავაკეთებდით, არის: „ნუ გვაქებთ, ნუ გააკეთებთ პოზიტიურ განცხადებებს, პირიქით, გააკეთეთ რაც შეიძლება აგრესიული განცხადებები საქართველოს წინააღმდეგ, რაც შეიძლება აგრესიულად ისაუბრეთ „ქართულ ოცნებაზე“, რადგან ამ შემთხვევაში ისევ, მერკანტილურად, საზოგადოებაში ქართული ოცნების მხარდაჭერა მხოლოდ გაიზრდება. ჩვენ ვხედავთ აბსოლუტურად საპირისპიროს. ეს ყველაფერი კიდევ ერთხელ ხაზს უსვამს იმას, რომ არსებობენ ძალები, რომლებსაც სურთ ჩაერიონ ჩვენი ქვეყნის საშინაო საქმეებში. ჩვენ ყველას ერთი და იგივე გზავნილი გვაქვს - ჩვენთვის მთავარია რა სურს ქართველ ხალხს, რა არის ჩვენი ქვეყნის მთავარი ინტერესი. მთავარი ინტერესი არის ტერიტორიების გაერთიანება, ქვეყანაში მშვიდობის უზრუნველყოფა, ეკონომიკური განვითარების გარანტიების შექმნა. ჩვენ ვსაუბრობთ ნებისმიერ ქვეყანასთან თანაბარი პირობებით და მხოლოდ საზოგადოების ინტერესებიდან და იმ ლეგიტიმურობიდან გამომდინარე, რომელიც გვაქვს დიალოგის წარმოებაში. ყველამ მშვენივრად იცის, რომ დიპლომატიური ურთიერთობები არ არსებობს. ჩვენ არაერთხელ განვაცხადეთ, რომ ოკუპანტ სახელმწიფოსთან ურთიერთობა გვექნება მხოლოდ ტერიტორიული მთლიანობისა და იურისდიქციის გავრცელების საკითხებზე დე ფაქტო არაღიარებულ ტერიტორიებზე“, - განაცხადა არჩილ გორდულაძემ. შეგახსენებთ, გუშინ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა, რომ რუსეთი საქართველოსთან შინაარსობრივ პოლიტიკურ დიალოგს არ მოერიდება, თუ თბილისი ამისთვის მზად იქნება. „რაც შეეხება პოლიტიკურ დიალოგს, შემიძლია გავიმეორო: თუ და როცა თბილისი მზად იქნება ამისათვის, მოსკოვი არ მოერიდება შინაარსობრივ საუბარს. რუსეთთან დიალოგზე უარის თქმის ხაზი, 2008 წლის ტრაგიკული მოვლენების მსგავსად, კრიმინალური და უგუნური სააკაშვილის რეჟიმის მემკვიდრეობის ნაწილია. მე ვფიქრობ, რომ თბილისში, როცა გააცნობიერეს დასავლეთის ჭეშმარიტი მიზნები თავიანთ ქვეყანასთან მიმართებაში, იწყებენ იმის გაგებას, რომ საქართველოს კეთილდღეობის გასაღები არა დაპირისპირებაში, არამედ რუსეთთან თანამშრომლობაშია“, – განაცხადა მან.
• ცნობები: შავ ზღვაში უპილოტო თვითმფრინავით თავს დაესხნენ თურქულ ნავთობტანკერს, რომელსაც რუსული ნედლეული გადაჰქონდა • უკრაინა უახლესი: საგაზაფხულო შეტევა ხედავს, რომ რუსეთი აძლიერებს აღმოსავლეთს, უკრაინა კი ენერგეტიკას ეწინააღმდეგება • შალვა პაპუაშვილი: აღარ არსებობს არც პროდასავლური და არც ანტიდასავლური - არის მხოლოდ ქართველი და ანტიქართველი - ერი, რომელიც მოქმედებს საკუთარი ქვეყნის ინტერესებში და უცხოური გავლენით მოჯადოებული მომიტინგე. • სრულიად საქართველოს ახალი პატრიარქის არჩევისთვის • მარკ რუტე: ნატო-საქართველოს ურთიერთობების შენარჩუნებას აზრი აქვს, მაგრამ ჩვენ ასევე უნდა ვაღიაროთ ბოლო დროს განვითარებული მოვლენები - მოვუწოდებთ საქართველოს დაუბრუნდეს პროევროპულ და მომავალზე ორიენტირებულ გზას, რომელიც ამჟამად სერიოზულ შეშფოთებას იწვევს. • მარიამ ქვრიივიშვილი აშშ-ს სახელმწიფო დეპარტამენტის წარმომადგენელთან შეხვედრის შემდეგ: ჩვენ ოპტიმისტურად ვართ განწყობილი, რომ ჩვენი ურთიერთობები და სტრატეგიული თანამშრომლობა შეერთებულ შტატებთან აღდგება და განახლდება. •