კობახიძე პატივს ვცემთ პატრიარქის ხსოვნას, მოვუწოდებთ საკუთარ თავს დავიცვათ ის, რაც მან ასე თავდადებით იცავდა
როდესაც პატივს ვცემთ პატრიარქის ხსოვნას, მოვუწოდებთ საკუთარ თავს დავიცვათ ის, რასაც მან ასე ერთგულად იცავდა - ჩვენი ქვეყნის ეროვნული და რელიგიური იდენტობა“, - განაცხადა საქართველოს პრემიერ-მინისტრმა ირაკლი კობახიძემ ბუდაპეშტში კონსერვატიული პოლიტიკური მოქმედების კონფერენციაზე სიტყვით გამოსვლისას. კობახიძის თქმით, უწმინდესის გარდაცვალება ქართველი ხალხისთვის ღრმად პირადულია, რადგან მან „სიყვარულით აავსო ხალხის გული და თავადაც მიიღო ხალხის დიდი სიყვარული“. „მინდა დავიწყო სიტყვა სამი დღის წინ გარდაცვლილი სრულიად საქართველოს კათოლიკოს-პატრიარქის, უწმინდესისა ილია მეორის ხსოვნის პატივით. მან ქრისტიანული იდეალები მარადიულ ძალად აქცია ქართველი ხალხისთვის. Today all of Georgia is united in mourning. უწმინდესის გარდაცვალება, რომელიც საქართველოს მართლმადიდებელ ეკლესიას 48 წლის განმავლობაში ხელმძღვანელობდა, ჩვენთვის ღრმად პიროვნულია, რადგან მან სიყვარულით აავსო ხალხის გული და თავადაც მიიღო ხალხისგან დიდი სიყვარული. იგი საქართველოს ტრადიციებისა და ქრისტიანული ზნეობის ურყევი ერთგულებით ხელმძღვანელობდა. გარდა სულიერი წინამძღოლობისა, პატრიარქი სახელმწიფოებრივი მოღვაწეობის შუქურაც გახდა. მისი მსახურების დროს ეკლესია არა მხოლოდ რელიგიური დაწესებულება იყო, არამედ ქართული სახელმწიფოებრიობისა და ეროვნული თვითმყოფადობის დამცველიც. პატივს ვცემთ პატრიარქის ხსოვნას, მოვუწოდებთ საკუთარ თავს დავიცვათ ის, რასაც იგი ასე თავდადებულად იცავდა - ჩვენი ქვეყნის ეროვნული და რელიგიური იდენტობა“, - განაცხადა კობახიძემ.
• შუაღამის შემდეგ ილია მეორის დაკრძალვისთვის მოსამზადებლად სამების შესასვლელი დაიკეტება • საქართველოს მართლმადიდებელი ეკლესიის საპატრიარქო ილია მეორის დაკრძალვის ცერემონიის შესახებ ინფორმაციას ავრცელებს და მოქალაქეებს მიმართავს. • სამების საკათედრო ტაძარში კათოლიკოს-პატრიარქის პანაშვიდზე ვატიკანის დელეგაცია მივიდა. • თბილისში საგზაო მოძრაობის მასშტაბური შეზღუდვები ამოქმედდა • გარეკინ II-ს ილია მეორის დაკრძალვაზე დასასწრებად სომხეთი არ დაუშვეს • ნიდერლანდების საგარეო საქმეთა მინისტრმა ქართველ ხალხს მიუსამძიმრა ილია მეორის გარდაცვალების გამო. •