ფაშინიანი ილია მეორის წვლილი სამუდამოდ დარჩება მეხსიერებაში
სომხეთის პრემიერ-მინისტრმა ნიკოლ ფაშინიანმა საქართველოს პრემიერ-მინისტრ ირაკლი კობახიძეს სრულიად საქართველოს კათოლიკოს-პატრიარქის, ილია მეორის გარდაცვალების გამო სამძიმარი გამოუცხადა. სომხეთის პრემიერ-მინისტრის აპარატის მიერ გავრცელებულ სამძიმრის წერილში ნათქვამია: „ღრმა მწუხარებით შევიტყვე სრულიად საქართველოს კათოლიკოს-პატრიარქის, ილია მეორის გარდაცვალების შესახებ. „თითქმის ნახევარსაუკუნოვანი მსახურების მანძილზე ილია მეორის ცხოვრება და მსახურება განასახიერებდა რწმენის, პატრიოტიზმისა და ერებს შორის მეგობრობის უმაღლეს ღირებულებებს. მისი შესანიშნავი წვლილი სულიერი ცხოვრების განვითარებაში, საზოგადოების კონსოლიდაციასა და სახელმწიფოებრიობის განმტკიცებაში სამუდამოდ დარჩება ყველას მეხსიერებაში. „სომეხი ხალხის სახელით და პირადად ვუსამძიმრებ საქართველოს მთავრობას, ქართულ მართლმადიდებელ ეკლესიას და მოძმე ქართველ ხალხს ამ მძიმე ჟამს. ვუსურვებ მათ ძალას და გამძლეობას.” ილია მეორე, რომელიც ათწლეულების განმავლობაში ხელმძღვანელობდა ქართულ მართლმადიდებლურ ეკლესიას, გარდაიცვალა 93 წლის ასაკში და დატოვა ღრმა მემკვიდრეობა საქართველოს სულიერ და საზოგადოებრივ ცხოვრებაში. ტეგები: ნიკოლ ფაშინიანი პატრიარქი ილია მეორის გარდაცვალება
• კვირას წირვა-ლოცვა აღევლინება და წირვას მსოფლიო პატრიარქი აღავლენს • საქართველოში ახალი გადამზიდავი OneClick Airways გამოჩნდა • კათოლიკოს-პატრიარქის დაკრძალვასთან დაკავშირებით, სამების საკათედრო ტაძრის მიმდებარე ტერიტორიაზე მოძრაობა შეიცვალა. • საქართველოს კათოლიკოს-პატრიარქის ხსოვნის პატივსაცემად, პარლამენტის სასახლეს ილია მეორის ბანერი განთავსდა. • პატრიარქის ხსოვნის პატივსაცემად პარლამენტის სასახლეს აკრავს ბანერი • სააკაშაილს ილია მეორის დაკრძალვას არ დაუშვებენ •