ირაკლი კობახიძემ რეჯეფ ტაიპ ერდოღანისგან სამძიმრის წერილი მიიღო პატრიარქის გარდაცვალებასთან დაკავშირებით
თურქეთის პრეზიდენტმა რეჯეფ თაიფ ერდოღანმა საქართველოს კათოლიკოს-პატრიარქის გარდაცვალების გამო პრემიერ-მინისტრ ირაკლი კობახიძეს სამძიმარი წერილი გაუგზავნა. მთავრობის ადმინისტრაციის ცნობით, თურქეთის პრეზიდენტი სამძიმარს უცხადებს საქართველოს პრემიერ-მინისტრს, მართლმადიდებელ ეკლესიას და ქართველ ხალხს. „ძვირფასო პრემიერო, დიდი მწუხარებით შევიტყვე, რომ უწმინდესი, სრულიად საქართველოს კათოლიკოს-პატრიარქი ილია მეორე გარდაიცვალა 17 მარტის ღამეს. თურქი ხალხისა და ჩემი სახელით გულწრფელ სამძიმარს ვუცხადებ დაღუპულის ოჯახს, თქვენს აღმატებულებას, მართლმადიდებელ ეკლესიას და ქართველ ხალხს“, - განაცხადა რეჯეფ თაიფ ერდოღანმა. სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე 93 წლის ასაკში გარდაიცვალა. პატრიარქ ილია მეორის გარდაცვალების გამო საქართველოში გლოვის დღეა გამოცხადებული. პატრიარქს კვირას, 22 მარტს, სიონის საკათედრო ტაძარში დაკრძალავენ.
• იუკნევიჩიენე: ბიძინა ივანიშვილს არასოდეს სურდა საქართველოს ევროკავშირში გაწევრიანება • თბილისის მერია - 21-22 მარტს ავტობუსები, მიკროავტობუსები და მეტრო მგზავრებს უფასოდ მოემსახურება. • მიხეილ სააკაშვილი - ვითხოვ, რომ პატრიარქის დაკრძალვაზე წამიყვანონ, როგორც მისი მეგობარი, საქართველოს მესამე პრეზიდენტი. • საქართველოში შინაური ცხოველების რეგისტრაციის ეროვნული სისტემა ამოქმედდება • საქართველოში საშუალო თვიური ნომინალური ხელფასი 2025 წლის მეოთხე კვარტალში 2466 ლარი იყო. • „ქართულმა ოცნებამ საქართველო შეერთებული შტატებისთვის არასანდო და სარისკო პარტნიორად აქცია“ - ჯო უილსონი •