რუსეთის პატრიარქი რუსეთის მართლმადიდებელი ეკლესიის სახელით და პირადად, გულწრფელ მწუხარებას გამოვთქვამ საქართველოს მართლმადიდებელი ეკლესიის მძიმე დანაკ...
რუსეთის პატრიარქმა კირილემ, საქართველოს კათოლიკოს-პატრიარქის, ილია მეორის გარდაცვალებასთან დაკავშირებით სამძიმრის წერილი გამოაქვეყნა. „ღრმა მწუხარებით შევიტყვე ჩემი ძვირფასი ძმის და თანამსახურის, უწმინდესისა და უნეტარესის, სრულიად საქართველოს კათოლიკოს-პატრიარქის, ილია მეორის გარდაცვალების შესახებ. რუსეთის მართლმადიდებელი ეკლესიის სახელით და პირადად, გულწრფელ მწუხარებას გამოვთქვამ საქართველოს მართლმადიდებლური ეკლესიის მძიმე დანაკარგისთვის“, - წერს რუსეთის პატრიარქი. პატრიარქი კირილე აღნიშნავს, რომ „ყოვლისშემძლე უფალმა მიანიჭა ძველი ივერიის ეკლესიას პატრიარქი, რომელმაც მთელი თავისი ცხოვრება დაუღალავად მიუძღვნა მის კეთილდღეობას“. „უწმინდესის ილიას თითქმის ორმოცდაათწლიანი საპატრიარქო გახდა საეტაპო ეპოქა საქართველოს ეკლესიისა და მთელი მართლმადიდებლური სამყაროს ცხოვრებაში. თავისი თავდადებული მსახურებითა და უნიკალური სიბრძნით მან განსაკუთრებული ავტორიტეტი და ღრმა პატივისცემა დაიმსახურა არა მხოლოდ საეკლესიო, არამედ საზოგადოებრივ ცხოვრებაშიც. როგორც უთვალავი შვილის ნათლია, იგი გახდა მორწმუნე ქართველი ხალხის ნამდვილი სულიერი მამა“, - წერს პატრიარქი კირილი. რუსეთის პატრიარქი ასევე ხაზს უსვამს, რომ კათოლიკოს-პატრიარქს ტრადიციულად კარგი ურთიერთობა ჰქონდა რუსეთის მართლმადიდებლურ ეკლესიასთან. მოსკოვის სასულიერო სასწავლებლებში განათლებით, მან მთელი ცხოვრება შეინარჩუნა სიყვარული წმინდა სერგიუსისა და მისი მონასტრის მიმართ. ქრისტეს კურთხევით მან არსებითად მიიჩნია ჩვენი ხალხების სულიერი ერთიანობის შენარჩუნება. როგორც მართლმადიდებელ წინამძღოლთა შორის უფროსმა, მან მნიშვნელოვანი წვლილი შეიტანა ეკლესიებში მშვიდობასა და კეთილდღეობაში თავისი ბრძნული რჩევით, გამოცდილებით, ღრმა საეკლესიო ცხოვრებითა და მაღალი ავტორიტეტით. პირადად ჩვენ გვქონდა თბილი და სანდო ურთიერთობა, რამაც საშუალება მოგვცა გაგვეცვალა შეხედულებები და ობიექტურად შეგვეფასებინა საბჭოთა კავშირში ეკლესია-სახელმწიფო ურთიერთობების განვითარება. ეს ნდობა დაგვეხმარა ერთად გვემუშავა, რათა შეგვემსუბუქებინა ზეწოლა უღვთო ხელისუფლების მხრიდან და გაუმჯობესებულიყო მართლმადიდებლური ეკლესიების მდგომარეობა ჩვენს მაშინდელ გაერთიანებულ ქვეყანაში. უფალმა იესო ქრისტემ საუკუნო განსვენება მიანიჭოს ზეციურ სამყოფელში თავისი ერთგული მსახურის სულს“, - აცხადებს პატრიარქი კირილი.
• მაკა ბოჭორიშვილი: ილია მეორე იყო არა მხოლოდ პატრიარქი, არამედ ერის სულიერი და ზნეობრივი სვეტი, თაობების მეგზური, რწმენის დამცველი და სიმტკიცის სიმბოლო - ჩვენ მამა დავკარგეთ. • ირაკლი კობახიძე: უწმინდესის მსახურება წმინდა სულიერ განზომილებას სცდება - ფასდაუდებელია ილია მეორის წვლილი ეროვნული თვითმყოფადობის შენარჩუნებაში, ტრადიციების დაცვასა და სახელმწიფოებრიობის განმტკიცებაში. • პატრიარქი კირილე საქართველოს პატრიარქის, ილია მეორის გარდაცვალებას გლოვობს • აშშ-ის საელჩო საქართველოში: ღრმა მწუხარებას გამოვთქვამთ უწმიდესისა და უნეტარესის, სრულიად საქართველოს კათოლიკოს-პატრიარქის, ილია მეორის გარდაცვალების გამო - მისი სიცოცხლე და განსაკუთრებული ღვაწლი არასოდეს არ იქნება დავიწყებული. • საქართველოს საპატრიარქოში წმინდა სინოდის სხდომა მიმდინარეობს • ჯო უილსონი: „ქართული ოცნების“ კრიმინალურმა რეჟიმმა საქართველო გახადა არასაიმედო და მაღალი რისკის პარტნიორად - მსგავსი ზომების გატარება საჭირო გახდება, თუ ის კურსს არ შეცვლის •