კახა კალაძე მთელი საქართველო გლოვობს ჩვენი სულიერი მამის გარდაცვალებას, კაცის, რომლის ღვაწლი ქვეყნისა და ერის წინაშე ფასდაუდებელია.
ილია მეორე იყო და რჩება ეროვნული ერთიანობის სიმბოლოდ, – ამის შესახებ თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა. მან ქალაქის მთავრობის წევრებთან ერთად წუთიერი დუმილით პატივი მიაგო პატრიარქის ხსოვნას. „დღეს მთელი საქართველო გლოვობს ჩვენი სულიერი მამის გარდაცვალებას, კაცის, რომლის წვლილი ქვეყნისა და ერის ცხოვრებაში ფასდაუდებელია. მისი ცხოვრება და მოღვაწეობა სიყვარულის, თავმდაბლობის, მოთმინებისა და მსახურების არაჩვეულებრივი მაგალითი იყო. ილია მეორე იყო და რჩება ეროვნული ერთიანობის სიმბოლო, ხოლო მისი გარდაცვალება საქართველოსა და მის სულიერ შვილებს ღრმა, მტკიცე ჭრილობად დარჩება. თბილისის მერმა ასევე ხაზი გაუსვა პატრიარქის როლს ქართული მართლმადიდებლური ეკლესიის აღდგენისა და გაძლიერების საქმეში. „უწმიდესმა და უნეტარესმა ილია მეორემ შეძლო ბოლშევიკების ეპოქის შემდეგ დაჩაგრული ქართული მართლმადიდებლური ეკლესიის აღდგენა და განმტკიცება, ხალხში სულიერების ამაღლება. მისი ხელმძღვანელობით საქართველოს საპატრიარქო გახდა არა მხოლოდ სულიერების ცენტრი, არამედ მნიშვნელოვანი კერა ეროვნული ცნობიერების ჩამოყალიბებისა და ქართული კულტურის პოპულარიზაციისთვის“, - აღნიშნა მერმა.
• ყოფილი ომბუდსმენი უჩა ნანუაშვილი სახელმწიფო უსაფრთხოების სამსახურის გამოძიების ფარგლებში სასამართლოში დაიკითხა. • ვლადიკა ზენონი: პატრიარქმა თქვა - "არც ერთი მთავრობა და არავინ არ უნდა ჩაერიოს მომავალი პატრიარქის არჩევაში" • დიდი ბრიტანეთის ელჩი: ილია მეორის უბადლო ღვაწლმა განუზომელი გავლენა მოახდინა ქართველი ხალხის ცხოვრებასა და დამოუკიდებელი ქართული სახელმწიფოს ჩამოყალიბებაზე. • საქართველოში ეროვნული გლოვაა გამოცხადებული • ადგილობრივი დროით 16:00 საათზე საპატრიარქოს შენობიდან სამების საკათედრო ტაძრისკენ მსვლელობა გაიმართება. • პატრიარქი კირილე საქართველოს პატრიარქის, ილია მეორის გარდაცვალებას გლოვობს •