ვაიმარის სამკუთხედი საქართველოს ხელისუფლება შეგნებულად არღვევს ვალდებულებებს ახალი რეგულაციებით
ვაიმარის სამკუთხედის ქვეყნების (საფრანგეთი, გერმანია და პოლონეთი) საგარეო საქმეთა მინისტრებმა ერთობლივი განცხადება გაავრცელეს საქართველოს პარლამენტის მიერ საგარეო დაფინანსებისა და პოლიტიკური საქმიანობის შესახებ საკანონმდებლო ცვლილებების მიღებასთან დაკავშირებით. განცხადებაში აღნიშნულია, რომ ვაიმარის სამკუთხედის ქვეყნების საგარეო საქმეთა მინისტრები გამოთქვამენ სინანულს საქართველოს პარლამენტის მიერ 4 მარტს საგარეო დაფინანსებისა და პოლიტიკური საქმიანობის შესახებ ახალი კანონმდებლობის მიღების გამო, რომელიც მათი შეფასებით „ადასტურებს საქართველოს ხელისუფლების მზარდ რეპრესიულ მიდგომას სამოქალაქო საზოგადოების მიმართ“. „ჩვენ სრულად ვუჭერთ მხარს ევროკავშირის საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის 2026 წლის 6 მარტის განცხადებას. ახალი ცვლილებები აფართოებს ხელისუფლების კონტროლს პოლიტიკურ და სოციალურ აქტივობებზე საქართველოში უპრეცედენტო დონეზე და არღვევს გაერთიანებისა და გამოხატვის თავისუფლებას. ისინი ასუსტებენ კანონის უზენაესობას და ზრდის ზეწოლას დამოუკიდებელ სამოქალაქო საზოგადოებაზე, კერძოდ, დამოუკიდებელ მედიაზე, უფლებადამცველებზე, ექსპერტებსა და სერვისის მიმწოდებლებზე“, - ნათქვამია განცხადებაში. დოკუმენტის თანახმად, „ამ ახალი რეგულაციებით საქართველოს ხელისუფლება მიზანმიმართულად არღვევს ქვეყნის ვალდებულებებს ევროკავშირის წინაშე, კერძოდ, ევროკავშირთან ასოცირების ხელშეკრულებით“. შეგახსენებთ, რომ საქართველოს მთავრობის მიერ 2024 წლიდან გატარებულმა კურსმა გამოიწვია მისი ევროკავშირში გაწევრიანების პროცესის ვირტუალური შეჩერება, როგორც ეს არის განმარტებული 2024 წლის ევროპის საბჭოს დასკვნებში და დადასტურებულია ევროკომისიის 2025 წლის გაფართოების ანგარიშში. ჩვენ კიდევ ერთხელ ვადასტურებთ ქართველ ხალხს და სამოქალაქო საზოგადოების ორგანიზაციებს, რომლებიც დაუღალავად მუშაობენ საქართველოს დემოკრატიული და ევროპული მომავლისთვის. ჩვენ ასევე ვადასტურებთ ჩვენს მხარდაჭერას საქართველოს სუვერენიტეტისა და ტერიტორიული მთლიანობისადმი მის საერთაშორისოდ აღიარებულ საზღვრებში“, - ნათქვამია განცხადებაში.
• მაჭავარიანი: მშვიდობისა და სტაბილურობის ერთადერთი გარანტი არის ქართული ოცნება ბიძინა ივანიშვილის ხელმძღვანელობით. • გია ლოლაძე: მოჯთაბა ხამენეის მილოცვა ბუნებრივია; ეს არის პროტოკოლზე დაფუძნებული და, ალბათ, აუცილებელიც კი არის, თუ გავითვალისწინებთ რეგიონულ კონტექსტს - არის ბევრად უფრო ღრმა პრობლემები აშშ-სთან, რომლებზეც ეს გავლენას არ მოახდენს • სააპელაციო სასამართლომ ძალაში დატოვა გადაწყვეტილება მიხეილ სააკაშვილსა და თეიმურაზ ჯანაშიას 8 392 827 ლარის გადახდაზე. • ირაკლი კობახიძემ მოჯთაბა ხამენეის ირანის უზენაეს ლიდერად არჩევას მიულოცა. • გია ხუხაშვილი სსს-ში დაკითხვის შემდეგ: საკითხი ეხებოდა ჩემს საჯარო განცხადებებს, ძირითადად „პალიტრანიუსის“ ეთერში, სადაც მე ვისაუბრე იმ პოტენციურ საფრთხეებზე, რომელიც შეიძლება ირანის მიერ ამ ომის ფონზე განხორციელდეს. • ბათუმის ბულვარზე უკანონო ობიექტების დემონტაჟი გრძელდება •