გიორგი სიორიძე რამდენიმე თვის წინ შეიტანეს სარჩელი, მათ შორის ლელოს აკრძალვის თაობაზე და საკონსტიტუციო სასამართლოს ჯერ წინასწარი სხდომაც კი არ დაუნიშნ...

რამდენიმე თვის წინ შეიტანეს სარჩელი, მათ შორის „ლელოს“ აკრძალვის თაობაზე და საკონსტიტუციო სასამართლოს ჯერ წინასწარი სხდომაც კი არ დაუნიშნავს - ეს ყველაფერი არის სპექტაკლი, რომლის დადგმას აპირებენ ივანიშვილი და მისი რეჟიმი, - ამის შესახებ „ლელო-ძლიერი საქართველოს“ ერთ-ერთმა ლიდერმა გიორგი სიორიძემ პრემიერ-მინისტრის განცხადებასთან დაკავშირებით განაცხადა. მხარეთა აკრძალვის შესახებ სარჩელში ცვლილება. მისი თქმით, „ეს არის კიდევ ერთი დემონსტრირება იმისა, თუ როგორ იყენებს „ქართული ოცნება“ საკონსტიტუციო სასამართლოს, კანონმდებლობასა და კონსტიტუციას ანტიეროვნული მიზნების მისაღწევად. „ირაკლი კობახიძემ განაცხადა, რომ აკრძალვადი პარტიების სია გაფართოვდება. ეს კიდევ ერთი დასტურია იმისა, რომ ამ პროცესს არავითარი სამართლებრივი და კონსტიტუციური საფუძველი არ აქვს. რამდენიმე თვის წინ სარჩელი შეიტანეს, მათ შორის „ლელოს“ აკრძალვის თაობაზე და საკონსტიტუციო სასამართლოს ჯერ არც კი დაუნიშნავს წინასწარი სხდომა. ეს ყველაფერი არის სპექტაკლი, რომლის დადგმას აპირებენ ივანიშვილი და მისი რეჟიმი. როცა უნდათ, როცა გადაწყვეტენ, სწორედ მაშინ იმოქმედებენ ოპოზიციური პარტიების წინააღმდეგ. ეს ეწინააღმდეგება დემოკრატიის პრინციპებს, საერთაშორისო სტანდარტებს და საქართველოს კონსტიტუციას. მათ მიერ მიღებული კანონმდებლობა ჩვენივე სარჩელით გავასაჩივრეთ საკონსტიტუციო სასამართლოში, მაგრამ ბუნებრივია, არანაირი რეაქცია არ ყოფილა. ეს არის კიდევ ერთი დემონსტრირება იმისა, თუ როგორ იყენებენ საკონსტიტუციო სასამართლოს, კანონმდებლობას, კონსტიტუციას თავიანთი ანტიეროვნული მიზნების მისაღწევად“, - განაცხადა სიორიძემ. ცნობისთვის: პრემიერ-მინისტრმა ირაკლი კობახიძემ „ოპოზიციურ ალიანსზე“ კომენტარის დროს განაცხადა, რომ „საკონსტიტუციო სასამართლოში შეტანილი სარჩელის შესწორება მოგვიწევს. ახალი კონფიგურაციის გამო მხარეების სახელების შეცვლა დაგვჭირდება“.

• EN • DE • KA •