საქართველოს საპარლამენტო დელეგაციის ხელმძღვანელი აშშ ის სახელმწიფო მდივნის მოადგილეს შეხვდა

„აშშ-ს სახელმწიფო დეპარტამენტში შეხვედრისას სახელმწიფო მდივნის მოადგილეს ბრენდან ჰანრაჰანს დავუდასტურე ჩემი მზადყოფნა დამეწყო მუშაობა ახალ სტრატეგიულ პარტნიორობის შეთანხმებაზე“, - განაცხადა შეხვედრის შემდეგ საქართველოს საპარლამენტო დელეგაციის ხელმძღვანელმა ნიკოლოზ სამხარაძემ. ნიკოლოზ სამხარაძემ შეხვედრა დადებითად შეაფასა და აღნიშნა, რომ საუბარი ორმხრივი ინტერესის ბევრ საკითხს შეეხო. „ჩემი შეხვედრა ახლახან დასრულდა აშშ-ის სახელმწიფო მდივნის მოადგილესთან, ბ-ნ ჰანრაჰანთან. შეხვედრამ საკმაოდ მეგობრულ ატმოსფეროში განვიხილეთ. ჩვენ ყურადღება გავამახვილეთ იმაზე, თუ რა გავლენას ახდენს ეს მოვლენები საქართველოს უსაფრთხოებაზე. ჩვენ განვიხილეთ შუა დერეფნის განვითარება, მათ შორის ტრამპის მარშრუტი. ჩვენ აღვნიშნეთ, რომ მივესალმებით „ტრამპის მარშრუტის“ განხორციელებას, რადგან მიგვაჩნია, რომ ის არ არის შუა დერეფნისა და ქართული მარშრუტის ალტერნატივა, არამედ, პირიქით, დამატებითი ფაქტორი. ვისაუბრეთ საქართველოში ამერიკული კომპანიების ინვესტიციებზეც და რაც მთავარია, ახალი სტრატეგიული პარტნიორობის ხელშეკრულება განვიხილეთ. ჩვენ დავადასტურეთ მზადყოფნა, დავიწყოთ მუშაობა ახალ შეთანხმებაზე, რომელიც მიმართული იქნება ორმხრივი სარგებლის მოპოვებაზე. ხაზგასმული იყო მრავალი თემა, რომელიც ამ პარტნიორობას კიდევ უფრო გაამყარებს. შესაბამისად, შემიძლია ვთქვა, რომ საკმაოდ საინტერესო და პროდუქტიული დისკუსია გვქონდა და მომავალშიც აქტიურად გავაგრძელებთ ამ საკითხების განხილვას“, - განაცხადა ნიკოლოზ სამხარაძემ.

• EN • DE • KA •