კაია კალასმა იკითხა ყულევის პორტზე
„კონკრეტულ წინადადებებზე კომენტარს არ გავაკეთებ, რადგან სანამ ყველაფერი არ იქნება შეთანხმებული, არაფერია შეთანხმებული“, - განაცხადა ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში კაჯა კალასმა. ასე უპასუხა მან ჟურნალისტის შეკითხვას, შეიძლებოდა თუ არა საქართველოში მდებარე ყულევის პორტი რუსეთის წინააღმდეგ სანქციების მე-20 პაკეტში შევიდეს. „სანქციების მე-20 პაკეტზე მუშაობა ჯერ კიდევ გრძელდება, ჩვენ ბევრი წინადადება წამოვაყენეთ და ასევე ველოდები, რომ G7 ფორმატში გვექნება დისკუსია საზღვაო მომსახურების აკრძალვაზე. ამიტომ, კონკრეტულ წინადადებებზე კომენტარს არ გავაკეთებ, რადგან სანამ ყველაფერი არ არის შეთანხმებული, არაფერია შეთანხმებული“, - განაცხადა კალასმა. შეგახსენებთ, რომ Sky News-მა და არაერთმა საერთაშორისო გამოცემამ გაავრცელა ინფორმაცია, რომ რუსეთის წინააღმდეგ სანქციების მე-20 პაკეტის ფარგლებში, ევროკავშირი მესამე ქვეყნების პორტებზე შეზღუდვების შემოღებას გეგმავს. გავრცელებული ინფორმაციით, ევროკომისიამ სანქციების ახალი პაკეტი წარადგინა, რომელიც მოიცავს ენერგეტიკის, ფინანსური მომსახურებისა და ვაჭრობის სფეროებს. პაკეტი ითვალისწინებს სანქციების შემოღებას მესამე ქვეყნების პორტების მიმართ, კერძოდ, საუბარია ყულევის პორტებზე საქართველოში და კარიმუნის პორტებზე ინდონეზიაში. გარდა ამისა, იგეგმება ევროკავშირის სანქციების სიაში რუსეთის ეგრეთ წოდებული „ჩრდილოვანი ფლოტის“ 42 ნავთობტანკერის დამატებით შეტანა.
• ჰეგსეთმა თქვა, როგორ ჩაძირა ამერიკულმა წყალქვეშა ნავმა ირანული ხომალდი • პარლამენტი ამტკიცებს საკანონმდებლო ცვლილებებს, რომლებიც კიდევ უფრო ამკაცრებს გრანტებისა და პოლიტიკური საქმიანობის წესებს • ქართული დელეგაცია ვაშინგტონში აშშ-ის ეროვნული უშიშროების საბჭოს წარმომადგენელს შეხვდა • კახაბერ კვაჭანტირაძე: ჩემთვის, როგორც რიგითი ქართველისთვის, პატივია პოლიტიკურ საქმეში ბრალდებული - მივესალმები პოლიტიკური სუბიექტების გაერთიანებას; ფსევდოოპოზიციად მიჩნეულებს ვაძლევ: თქვენ ლუსტრირებულები ხართ, ბატონებო! • ძმები მიქაძეების ადვოკატი: კოკა მორგოშიამ დღეს თავისუფალ ნარატიულ ნაწილში ბევრი ილაპარაკა გარემოებებზე, მაგრამ კითხვაზე, ვინ დაადასტურებდა მის ნათქვამს, მისი პასუხი იყო, რომ ან არ ახსოვს, ან არ სურს ახსნა - ეს მის ჩვენებას არასანდო ხდის. • გერმანიის ბუნდესტაგის წევრმა საქართველოში მიღებულ საკანონმდებლო ცვლილებებს სამოქალაქო საზოგადოებაზე თავდასხმა უწოდა •