ტექნიკურ უნივერსიტეტში დარჩება მხოლოდ ის დისციპლინები, რომლებიც 1990 იან წლებამდე ისწავლებოდა
„მომავალში ტექნიკურ უნივერსიტეტში მხოლოდ ის დისციპლინები ისწავლება, რომლებიც უნივერსიტეტში 1990-იან წლებამდე ისწავლებოდა“, - განაცხადა საქართველოს პრემიერ-მინისტრმა ირაკლი კობახიძემ. მისივე თქმით, მომავალი სასწავლო წლიდან ტექნიკური უნივერსიტეტი სხვა დისციპლინებში მიღებას არ გამოაცხადებს. „ერთი ქალაქი - ერთი ფაკულტეტი“ პრინციპით, საქართველოს ტექნიკური უნივერსიტეტი გარდაიქმნება წმინდა ტექნიკურ უნივერსიტეტად. ეს იყო ჩვენი უმაღლესი განათლების კონცეფციის ერთ-ერთი მთავარი მიმართულება, შესაბამისად, მომავალში ტექნიკურ უნივერსიტეტში მხოლოდ ის დისციპლინები ისწავლება, რომლებიც 1990-იან წლებამდე იყო საქართველოს ტექნიკური უნივერსიტეტის სასწავლო პროგრამაში. ასევე, მომავალი სასწავლო წლიდან ტექნიკური უნივერსიტეტი არ გამოაცხადებს მიღებას იმ დისციპლინებზე, რომლებიც 1990-იან წლებამდე არ იყო ტექნიკური უნივერსიტეტის სასწავლო გეგმაში შეტანილი. შესაბამისად, ტექნიკური უნივერსიტეტის არატექნიკური აკადემიური პროგრამები ეტაპობრივად დარჩება მომდევნო ორი წლის განმავლობაში. ორი უნივერსიტეტი არ ერწყმის და არატექნიკური ნაკადები ეტაპობრივად გამოსვლის რეჟიმში დარჩება. შესაბამისად, მიმდინარე წლიდან ტექნიკურ უნივერსიტეტში შესაბამის სპეციალობებზე მიღება არ გამოცხადდება. ეს არის საერთო გადაწყვეტილება, რაზეც ჩვენ შევთანხმდით“, - განაცხადა ირაკლი კობახიძემ.
• FlyArystan ზაფხულის სეზონისთვის ასტანა-ბათუმის ფრენებს იწყებს • მარნეულში მატარებელი ცხვრის ფარას დაეჯახა • ზაზა ფაჩულიას კომპანია ამბროლაურში მცირე ჰიდროელექტროსადგურს ააშენებს. • აზერბაიჯანი საქართველოსთვის გაზის მიწოდებას 14%-ით ზრდის • აზარტული თამაშების ინდუსტრიაში სამართლებრივი პასუხისმგებლობა სულ უფრო მკაცრდება. • ქვრივიშვილი: შავი ზღვის წყალქვეშა კაბელი საქართველოს ერთ-ერთი მთავარი ინიციატივაა. •