შალვა პაპუაშვილი ჩვენ გვაქვს გამოცდილება როგორც საგარეო ჩარევის სამიზნეზე, ასევე მის წინააღმდეგ ბრძოლაში ეს გავუზიარეთ ევროპის საბჭოს
"ეს კიდევ ერთხელ ცხადყოფს, თუ რამდენად მნიშვნელოვანია თანამედროვე საინფორმაციო ეპოქაში საგარეო ჩარევის წინააღმდეგ ბრძოლა. ამ მხრივ, ვფიქრობ, ჩვენ გვაქვს გამოცდილება ორივე ფრონტზე და გავუზიარეთ ჩვენი გამოცდილება ამ საკითხში", - განაცხადა პარლამენტის თავმჯდომარემ შალვა პაპუაშვილმა ჟურნალისტებთან საუბრისას იმის შესახებ, რომ ევროსაბჭო საქართველოს მიმართავს უცხოური ჩარევის წინააღმდეგ ბრძოლის გამოცდილების გასაზიარებლად. პაპუაშვილის თქმით, პარლამენტი და სხვა სახელმწიფო ინსტიტუტები აქტიურად არიან ჩართულები საქართველოს რეკომენდაციებისა და ექსპერტიზის მიწოდებაში ევროპის საბჭოსთვის. ევროსაბჭომ შექმნა სპეციალური ჯგუფი მინისტრთა კომიტეტთან, რომელიც ფოკუსირებულია უცხოური ინფორმაციის ჩარევის საკითხებზე. ამ კონტექსტში ექსპერტთა ჯგუფმა მოამზადა დოკუმენტი და მოითხოვა გამოხმაურება მინისტრთა კომიტეტის წევრებისგან. შესაბამისად, ჩვენ, ისევე როგორც სხვა ინსტიტუტები, ჩართული ვართ ევროპის საბჭოსთან ჩვენი რეკომენდაციების და გამოცდილების გაზიარებაში. ქვეყანა, რომელიც იყო უცხოური ინფორმაციისა და ზოგადი ჩარევის სამიზნე და, მეორე მხრივ, როგორც ქვეყანა, რომელსაც აქვს ძლიერი გამოცდილება, როგორ შეეწინააღმდეგოს ასეთ ჩარევას. ჩვენ ვნახეთ, რომ ბოლო რამდენიმე წლის განმავლობაში, ჩვენს შიდა პოლიტიკაში ჩარევის, დეზინფორმაციისა და სიძულვილის ენის გავრცელების სხვადასხვა ინსტრუმენტების გამოყენება მოხდა, რაც სამწუხაროდ, უმეტეს შემთხვევაში, ბრიუსელიდან ფინანსდება. ეს სიძულვილის ენა და დეზინფორმაცია გამოიყენეს ადამიანთა გარკვეული ჯგუფების ძალადობისკენ წასაყვანად და ჩვენი დემოკრატიის საფუძვლების დასაძირკვად. ჩვენ დავაკვირდით, როგორ იგეგმება და ტარდება ასეთი მავნე ოპერაციები. ამავდროულად, ჩვენ ვაჩვენეთ, თუ როგორ შეუძლია ქვეყანას ეფექტურად წინააღმდეგობა გაუწიოს მსგავს ჩარევას, როგორც პრაქტიკული თვალსაზრისით, ასევე საკანონმდებლო ზომების საშუალებით. ჩვენ გავუზიარეთ გამოცდილება ამ საკითხთან დაკავშირებით“, - დაასკვნა პარლამენტის თავმჯდომარემ.
• ირაკლი კობახიძე, შალვა პაპუაშვილი და ირაკლი ჩიქოვანი კავკასიის სამედიცინო ცენტრში ჩავიდნენ. • ოპოზიციური ალიანსი საფრანგეთთან აქტიურ კომუნიკაციას ივანიშვილის წინააღმდეგ გამოძიების დაწყებისთანავე იწყებს • ლატვიის საგარეო საქმეთა მინისტრის მოადგილე - ის, რაც საქართველოში ხდება, ქვეყანას აახლოებს პუტინის რეჟიმთან • ძმები ფირუზ და რეზო წულუკიძეები სპეცოპერაციის ფარგლებში ბათუმში დააკავეს • სარჯველაძე: ყველაფერი კეთდება იმისთვის, რომ პატრიარქის ჯანმრთელობისთვის აუცილებელი ყველა მნიშვნელოვანი მაჩვენებელი სწრაფად აღდგეს, ძალიან მძიმე მდგომარეობაა • iFact: თბილისში "საერთაშორისო"/რუსული საჰაერო ტანვარჯიშის ტურნირი გაიმართა •