ელენე ხოშტარია ქართულ ოცნებას დიახ! ვერც რუსთველიდან, ვერც წვეულებებიდან, ვერც ციხეებიდან, ვერც ემიგრაციიდან და ვერც სამზარეულოდან ვერ გიცნობენ გიყვარ...
დიახ! თქვენ ვერც რუსთველიდან, ვერც წვეულებებიდან, ვერც ციხეებიდან, ვერც ეკრანებიდან, ვერც ემიგრაციიდან და ვერც სამზარეულოდან ვერ გიცნობენ. გმადლობთ, რომ შეგვახსენეთ, რომ თქვენი არსებობა ჩვენს აღიარებას მოითხოვს - თქვენ ამის ღირსი არ ხართ! - ასე პასუხობს „კოალიცია ცვლილებებისთვის“ ერთ-ერთი ლიდერი ელენე ხოშტარია „ქართული ოცნების“ დეპუტატის, არჩილ გორდულაძის განცხადებას, რომ „პარლამენტის თანხმობის შემთხვევაში, სისხლის სამართლის პასუხისმგებლობა შეიძლება დაეკისროს პირს, რომელიც არ ცნობს კონსტიტუციური ორგანოების ლეგიტიმურობას და საჯაროდ მოუწოდებს მსგავსი ქმედებებისკენ“. „საკმაოდ სასარგებლოა „ოცნების“ ყურება ნერვული აშლილობის ზღვარზე. ისინი პირდაპირ მიგვანიშნებენ ჩვენი ბრძოლის სისწორესა და სტრატეგიის ეფექტურობაზე. დიახ! თქვენ ვერც რუსთველიდან, ვერც წვეულებებიდან, ვერც ციხეებიდან, ვერც ეკრანებიდან, ვერც ემიგრაციიდან და ვერც სამზარეულოდან ვერ გიცნობენ. გმადლობთ, რომ შეგვახსენეთ, რომ თქვენი არსებობა ჩვენს აღიარებას მოითხოვს - თქვენ ამის ღირსი არ ხართ! ახლა მოგმართავთ იმ ადგილიდან, სადაც თითქოს დამსვით, რათა თქვენი ამოცნობა მაიძულოთ. აღიარეთ საკუთარი თავისთვის, რომ ჩვენ ორს შორის ცუდები თქვენ ხართ და არა მე. „გიყვარვარ თუ არა“ კანონის რეგისტრაცია გროტესკის ახალი პიკია. ჩვენს ქვეყანაში მიმდინარე ყველა ამ რთული მოვლენით, ვერ ვიშორებ თავს იმ შეგრძნებისგან, რომ მაიმუნი შეიპარა თვითმფრინავის კაბინაში. ბოლომდე!“ - წერს ხოშტარია.
• ირაკლი კობახიძე: ძალადობრივ ინციდენტებთან დაკავშირებით იყო 3-4 შემთხვევა, როდესაც ადგილი ჰქონდა კონკრეტულ დარღვევას, მაგრამ პირების იდენტიფიცირება ვერ მოხერხდა - რაც შეეხება წამებას, ეს არის სრული სიცრუე. • საქართველოს პროკურატურა: დუშეთში მკვლელობის ფაქტზე 2 პირი დააკავეს • ბოჭორიშვილი: დიდი ხანია, ევროპარლამენტის რეზოლუციები საქართველოს შესახებ განცალკევებულია რეალობას • პოლიციამ დააკავა მამაკაცი, რომელმაც დედის მოკვლა სცადა • ბომონდის კლინიკა ქუთაისში მშობიარობის შემდგომი გართულების შედეგად გარდაცვლილი ქალის შესახებ ინფორმაციას ავრცელებს. • რეგიონული განვითარების სამინისტროს ხელმძღვანელი ქვემო ქართლში ინფრასტრუქტურულ პროექტებს გაეცნო •