დევიდ ო სალივანი ევროკავშირის არაწევრი ქვეყნები არ არიან ვალდებულნი დაიცვან ევროკავშირის სანქციები
„სანქციები მნიშვნელოვან გავლენას ახდენს რუსეთის ეკონომიკაზე“, - განაცხადა ევროკავშირის სპეციალურმა წარმომადგენელმა სანქციების საკითხებში, დევიდ ო’სალივანმა. „ოპტიმისტურად ვარ განწყობილი. ვფიქრობ, სანქციები საკმაოდ მნიშვნელოვან გავლენას ახდენს რუსეთის ეკონომიკაზე. შესაძლოა, 2026 წლისთვის მივაღწევთ იმ წერტილს, როდესაც მთელი ეს პროცესი არამდგრადი გახდება, რადგან რუსეთის ეკონომიკის მნიშვნელოვანი ნაწილი დამახინჯდა სამხედრო ეკონომიკის შექმნით სამოქალაქო ეკონომიკის ხარჯზე. მე მჯერა, რომ ეკონომიკური სიმძიმის კანონების დარღვევა მხოლოდ შეზღუდული დროით შეიძლება გაგრძელდეს“, - განაცხადა ო’სალივანმა The Guardian-თან ინტერვიუში. ევროკავშირის სპეციალურმა წარმომადგენელმა ასევე აღნიშნა, რომ ევროკავშირის არაწევრი სახელმწიფოები არ არიან ვალდებულნი დაიცვან ევროკავშირის სანქციები. ო’სალივანის თქმით, ბლოკმა გარკვეულ წარმატებას მიაღწია კრიტიკული იარაღის საქონლის პირდაპირი რეექსპორტის თავიდან აცილებაში ცენტრალური აზიის ქვეყნების, კავკასიის, თურქეთის, სერბეთის, არაბთა გაერთიანებული საამიროების და, ნაკლებად, მალაიზიის გავლით. სანქციებისგან თავის არიდების შესახებ საუბრისას, ო’სალივანმა ხაზგასმით აღნიშნა, რომ ამით არა მთავრობები არიან დაკავებულნი, არამედ ეკონომიკური ოპერატორები, რომლებიც ხედავენ შესაძლებლობებს და მათგან მოგებას იღებენ.
• საქართველოს ხელისუფლებამ პრო-ევროპული საპროტესტო აქციების მონაწილეთა ანგარიშები ჩამოართვა • სტუ-ს აკადემიური საბჭო: ჩვენ არ ვეთანხმებით უნივერსიტეტის ავტონომიის რაიმე ფორმით შეზღუდვას • განათლების ექსპერტი: თსუ-სა და სტუ-ს შერწყმა არის პირადი ახირება და ძალაუფლების დემონსტრირების საშუალება • საია მოქალაქეთა საბანკო ანგარიშებზე ყადაღის დადების შესახებ განცხადებას ავრცელებს • სანიტარული ნორმების კრიტიკული დარღვევის გამო თბილისში ცხრა რესტორანი და სწრაფი კვების ობიექტი დაიხურა • ქართული მეფრინველეობის კომპანიები კვერცხზე ფასს „პრემიერის ინიციატივის“ მოტივით შეამცირებენ •