საქართველოს პროკურატურა კიდევ ერთხელ აცხადებს მზადყოფნას ნებისმიერ დროს შეხვდეს გიგი ავალიანის ოჯახის წევრებს.
გიგი ავალიანის ოჯახის წევრების განცხადებას საქართველოს პროკურატურა ეხმაურება. უწყება გამოთქვამს მზადყოფნას შეხვდეს მათ და განუმარტოს თითოეული საგამოძიებო მოქმედების საფუძველი და ამ ნიშნით დაკავებულ პირთა ქმედებებისთვის სამართლებრივი კვალიფიკაციის მინიჭება. „საქართველოს პროკურატურა ეხმაურება გიგი ავალიანის ოჯახის წევრების განცხადებას და კიდევ ერთხელ გამოთქვამს მზადყოფნას ნებისმიერ დროს შეხვდეს მათ და დეტალურად განმარტოს თითოეული საგამოძიებო მოქმედების საფუძველი და ამ ნიშნით დაკავებულთა ქმედებებისთვის სამართლებრივი კვალიფიკაციის მინიჭება, ასევე, თუ არსებობს ახალი მტკიცებულებები და სისხლისსამართლებრივი დევნა. მაღალი საზოგადოებრივი ინტერესიდან გამომდინარე, კიდევ ერთხელ შეგახსენებთ, რომ საქართველოს შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევოს რაიონის მთავარი სამმართველოს მიერ განხილულ სისხლის სამართლის საქმეზე 4 არასრულწლოვანი დააკავეს და ბრალი წაუყენეს. მათ შორის ერთ-ერთს ბრალი სისხლის სამართლის კოდექსის 117-ე მუხლის მე-2 ნაწილით (სხეულის განზრახ მძიმე დაზიანების მიყენება, რამაც გამოიწვია სიკვდილი), ხოლო მე-3 - 376-ე მუხლის 1-ლი ნაწილით (დანაშაულის შეუტყობინებლობა იმ პირის მიერ, რომელმაც რეალურად იცოდა, რომ მძიმე დანაშაული მზადდებოდა და ჩადენილი იყო). ამასთან, საქართველოს შინაგან საქმეთა სამინისტრო აგრძელებს გამოძიებას სისხლის სამართლის საქმეზე, რომელიც განცალკევებულ იქნა“, - ნათქვამია განცხადებაში.
• მეწყერის გამო დასავლეთ საქართველოს ერთ-ერთ სოფელში მცხოვრები მოსახლეობის ევაკუაცია განხორციელდა • ევროკომისარი: ამჟამინდელი კურსით საქართველო ევროკავშირს არც 2030 წლისთვის და არც არასდროს შეუერთდება • თბილისმა ბრიუსელს მოუწოდა გააუმჯობესოს საქართველოს ურთიერთობები ევროკავშირთან • თავდაცვის სამინისტროს შესყიდვების დეპარტამენტის ყოფილი უფროსი: ვაღიარებ იმ გარემოებებს, რომ ზიანი მივაყენე სახელმწიფო ბიუჯეტს და ვნანობ - მინისტრს ყველა ძირითადი შესყიდვის შესახებ ეცნობა • „ქართული ოცნების“ ლეგიტიმურობა ევროპარლამენტში კვლავ განხილვის საგანია • რასა იუკნევიჩიენე: ქართველი ხალხი გადის ერთ-ერთ ურთულეს პერიოდს, მაგრამ საქართველო არ არის დაკარგული - თქვენ არ ხართ დაკარგული ევროკავშირისთვის •