კუბა აცხადებს, რომ ვენესუელაში აშშ ის ოპერაციის დროს 32 მოქალაქე დაიღუპა
კუბის მთავრობამ განაცხადა, რომ 32 კუბის მოქალაქე დაიღუპა ვენესუელაში აშშ-ის ოპერაციის დროს. დაღუპულთა ხსოვნას ჰავანამ ორდღიანი გლოვა გამოაცხადა. განცხადებაში ნათქვამია, რომ ყველა დაღუპული კუბის შეიარაღებული ძალების და სადაზვერვო სამსახურების წევრი იყო. სხვა დეტალები არ არის მოწოდებული. „უსაფრთხოებასა და თავდაცვაზე დაკისრებული პასუხისმგებლობის შესაბამისად, ჩვენმა თანამემამულეებმა ღირსეულად და გმირულად შეასრულეს თავიანთი მოვალეობა და დაეცნენ სასტიკი წინააღმდეგობის შემდეგ, როგორც თავდამსხმელებთან უშუალო ბრძოლაში, ასევე მიზნების დაბომბვის შედეგად“, - ნათქვამია განცხადებაში. როგორც Reuters აღნიშნავს, კუბამ მონაწილეობა მიიღო ვენესუელის პრეზიდენტის ნიკოლას მადუროს უსაფრთხოების უზრუნველყოფაში. გაურკვეველია, რამდენი კუბელი იცავდა მადუროს აშშ-ს ოპერაციის დროს და რამდენი შეიძლება დაიღუპა სხვაგან. 4 იანვარს The New York Times-მა წყაროზე დაყრდნობით იტყობინება, რომ ოპერაციის დროს სულ მცირე 40 ადამიანი, მათ შორის სამხედრო პერსონალი და მშვიდობიანი მოქალაქე დაიღუპა. 3 იანვრის ღამეს ამერიკელმა ჯარებმა შეუტიეს სამხედრო ობიექტებს ვენესუელას დედაქალაქ კარაკასში და დაიჭირეს ქვეყნის პრეზიდენტი ნიკოლას მადურო და მისი მეუღლე სელია ფლორესი. აშშ-ს ხელისუფლება არ მიიჩნევს მადუროს ვენესუელას ლეგიტიმურ პრეზიდენტად და მას და ფლორსს "ნარკოტერორიზმში", იარაღის ფლობასა და ნარკოტიკების კონტრაბანდაში ადანაშაულებს. მათი პირველი გამოჩენა ნიუ-იორკის ფედერალურ სასამართლოში 5 იანვარს იგეგმება.
• ევროკომისიის წარმომადგენლის თქმით, კომისიამ დაიწყო საქართველოს დიპლომატიური, სამსახურებრივი და ოფიციალური პასპორტების მფლობელთათვის უვიზო მიმოსვლის შეჩერების პროცესი. • თამარ ზოდელავა იუსტიციის მინისტრის მოადგილედ დაინიშნა • დონალდ ტრამპი: მე არ გამოვიყენებ ძალას, აშშ ითხოვს ადგილს სახელად გრენლანდია • თამარ ზოდელავა იუსტიციის მინისტრის მოადგილედ დაინიშნა • მოხალისეები თბილისის საქველმოქმედო პროექტი საქართველოში ამთავრებს მუშაობას • ემანუელ მაკრონი: აშშ-ს ევროპის დასუსტება და დამორჩილება სურს •