ევროკავშირი ვენესუელაში მიმდინარე პროცესებთან დაკავშირებით განცხადებას ავრცელებს
ევროკავშირი ვენესუელაში მიმდინარე პროცესებთან დაკავშირებით განცხადებას ავრცელებს. განცხადებაში ხაზგასმულია, რომ დაცული უნდა იყოს ვენესუელელი ხალხის უფლება, განსაზღვროს საკუთარი მომავალი. დოკუმენტს მხარი დაუჭირა ევროკავშირის 26 წევრმა ქვეყანამ. ერთადერთი ქვეყანა, რომელიც განცხადებას არ შეუერთდა, იყო უნგრეთი. ევროკავშირი მოუწოდებს ყველა მხარეს გამოიჩინონ სიმშვიდე და თავშეკავება, რათა თავიდან აიცილონ ესკალაცია და უზრუნველყონ კრიზისის მშვიდობიანი გადაწყვეტა. ევროკავშირი იმეორებს, რომ საერთაშორისო სამართლის პრინციპები და გაეროს წესდება უნდა იყოს დაცული ყველა ვითარებაში. დემოკრატიულად არჩეული პრეზიდენტი და მხარს უჭერს ვენესუელას მშვიდობიან გადასვლას დემოკრატიაზე, რომელსაც ხელმძღვანელობენ ვენესუელელები, ამავე დროს, პატივს სცემს ვენესუელას სუვერენიტეტს. ევროკავშირი იზიარებს ტრანსნაციონალური ორგანიზებული დანაშაულისა და ნარკოტიკებით ვაჭრობის წინააღმდეგ ბრძოლის პრიორიტეტს, რომლებიც სერიოზულ საფრთხეს უქმნის გლობალურ უსაფრთხოებას. ამავდროულად, ევროკავშირი ხაზს უსვამს, რომ ეს გამოწვევები უნდა გადაიჭრას მდგრადი თანამშრომლობით საერთაშორისო სამართლის, ასევე ტერიტორიული მთლიანობისა და სუვერენიტეტის პრინციპების სრული დაცვით“, - ნათქვამია განცხადებაში. გარდა ამისა, ევროკავშირი იტყობინება, რომ იგი მჭიდრო კავშირშია შეერთებულ შტატებთან კრიზისის დემოკრატიული და მოლაპარაკებების გზით გადაჭრის მიზნით. ჩვენ მჭიდრო კავშირში ვართ შეერთებულ შტატებთან, ისევე როგორც რეგიონულ და საერთაშორისო პარტნიორებთან, რათა მხარი დავუჭიროთ და ხელი შევუწყოთ დიალოგს ყველა ჩართულ მხარესთან, რაც გამოიწვევს ვენესუელელთა მიერ მართული კრიზისის მოლაპარაკებების გზით, დემოკრატიულ, ინკლუზიურ და მშვიდობიანი გადაწყვეტას. ამ კრიტიკულ მომენტში აუცილებელია, რომ ყველა მხარემ პატივი სცეს ადამიანის უფლებებს და საერთაშორისო ჰუმანიტარულ კანონს. ვენესუელაში ამჟამად დაკავებული ყველა პოლიტიკური პატიმარი უპირობოდ უნდა გათავისუფლდეს. ევროკავშირის წევრი ქვეყნების საკონსულო ორგანოები მჭიდრო კოორდინირებულად მუშაობენ ევროკავშირის მოქალაქეების უსაფრთხოების უზრუნველსაყოფად, მათ შორის ვენესუელაში უკანონოდ დაკავებულთა უსაფრთხოებაზე“, - ნათქვამია განცხადებაში.
• ქართული ღვინის ექსპორტი ევროპაში 2025 წელს $38.7 მილიონამდე გაიზარდა • პროკურატურამ ორგანიზებული ჯგუფის მიერ ჩადენილი დანაშაული, მათ შორის წამება, ძარცვა, ჯგუფური ძალადობის ორგანიზება და მასში მონაწილეობა 16 პირს წაუყენა. • ელენე ხოშტარია: ირანზე გაჩუმება იგივეა, რაც ჰიტლერზე გაჩუმება • ფალსიფიცირებული ალკოჰოლური პროდუქციის დამზადებისთვის საქართველოს ორი მოქალაქე დააკავეს • აჭარა ჯანდაცვის სისტემის ფართომასშტაბიან განახლებას 2026 წლიდან იწყებს • სებ-ის კვლევამ აჩვენა, რომ ბიზნესებს შორის ინფლაციისა და ხელფასების მოლოდინების გაციება ხდება •